Ճարտարապետության և շինարարության համալսարանի ռեկտոր ընտրվեց Գագիկ Գալստյանը

Ճարտարապետության և շինարարության համալսարանի ռեկտոր ընտրվեց Գագիկ Գալստյանը

Հոկտեմբերի 31-ին սահմանված կարգով Ճարտարապետության և շինարարության Հայաստանի ազգային համալսարանի (ՃՇՀԱՀ) հոգաբարձուների խորհրդի նիստում` փակ գաղտնի քվեարկությամբ միաձայն համալսարանի ռեկտոր ընտրվեց Շինարարների միության նախագահ, ՃՇՀԱՀ-ի ռեկտորի ժամանակավոր պաշտոնակատար, տեխնիկական գիտությունների դոկտոր, պրոֆեսոր Գագիկ Շաղաբեգի Գալստյանը:

Շնորհավորելով նորընտիր ռեկտորին Երևանի քաղաքապետ, հոգաբարձուների խորհրդի նախագահ Տարոն Մարգարյանը վստահեցրեց. «Մենք համալսարանի կողքին ենք և միշտ պատրաստ ենք աջակցել զարգացման ծրագրերին»:

Հոգաբարձուների խորհրդի նիստում քննարկվեց նաև համալսարանի զարգացման հայեցակարգը և հավանության արժանացավ: Առաջարկվեց հոգաբարձուների խորհրդի հաջորդ նիստին ներկայացնել համալսարանի ռազմավարական ծրագիրը առաջիկա 5 տարվա համար:

«Իհարկե վստահությունը պարտավորեցնող է, բայց միևնույն ժամանակ բարձր պրոֆեսիոնալ անձնակազմի դեպքում ինչպիսին որ ունի մեր համալսարանը կարելի է նախաձեռնել համարձակ ծրագրեր, խնդիրներ բարձրացնել և դրանք իրականացնել ու լուծել: Ես էլ ձեզ հետ միասին կքայլեմ առաջ»,-շնորհակալություն հայտնելով ոչ միայն հոգաբարձուների խորհրդի անդամներից այլև համալսարանի ողջ կոլեկտիվից այս ընթացքում իրեն ցուցաբերած աջակցության և թիմային աշխատանքի համար, ասաց ռեկտոր Գագիկ Շաղաբեգի Գալստյանը, ընդգծելով մինչ այս համալսարանի զարգացմանը ուղղված մեծածավալ աշխատանքները, ինչպես նաև տարիներ շարունակ ԿԳ նախարարության, Երևանի քաղաքապետարանի զգալի աջակցությունը համալսարանի կրթագիտական պրակտիկ աշխատանքներին:

ԿԵՆՍԱԳՐՈՒԹՅՈՒՆ

ԳԱԳԻԿ ՇԱՂԱԲԵԳԻ ԳԱԼՍՏՅԱՆ

Ծնվել է 1952 թվականի փետրվարի 8-ին, ք. Երևանում
1980թ. ավարտել է Կ.Մարքսի անվ. Պոլիտեխնիկական Ինստիտուտի Արդյունաբերական և Քաղաքացիական Շինարարության բաժինը և ստացել ինժեներ շինարարի որակավորում
1993 թ-ից “Հորիզոն 95” շինարարական ընկերության հիմնադիրն է
2001 թ-ից “Արխմոնսրոյ” շինարարական ընկերության հիմնադիրն է
2005 թ-ից Հայաստանի Շինարարների Միության նախագահն է
2009 թ-ից “Հորիզոն Թրեյդ”շինարարական ընկերության հիմնադիրն է
2012 թ-ից ստացել է տեխնիկական գիտությունների դոկտորի գիտական աստիճան
2014թ-ից շնորհվել է պրոֆեսորի գիտական կոչում` շինարարության մասնագիտությամբ
2014թ-ի մայիսից <<Ճարտարապետության և շինարարության Հայաստանի ազգային համալսարան>> Հիմնադրամի ռեկտորի ժամանակավոր պաշտոնակատարն է:
Հեղինակ է շուրջ 41 գիտական և 2 ուսումնամեթոդական աշխատանքների :

ՏԵՂԵԿԱՆՔ

ՃՇՀԱՀ-ի ռեկտոր Գագիկ Շաղաբեգի Գալստյանը համալսարանի ռեկտորի ժամանակավոր պաշտոնակատար էր 2014թ. մարտի 24-ից հոկտեմբերի 31-ը ընկած ժամանակահատվածում: Նշված ժամանակահատվածում բարձրացվել են պրոֆեսորադասախոսական կազմի աշխատավարձը 20%-ով, բարեկարգվել է համալսարանի պուրակը` ներդրվել է ոռոգման կաթիլային համակարգ, տեղադրվել են նստարաններ: Վերանորոգվել են համալսարանի միջանցքներ, լսարաններ և ՃՇՀԱՀ-ի Մանուկ Աբեղյանի անվան ավագ դպրոցի մարզադահլիճը:

ՃՇՀԱՀ-ի մամուլի քարտուղար Ժասմեն Վիլյան

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

 
Առցանց Առավոտի լուրերին facebook-ով բաժանորդագրվելու համար սեղմեք