Լրահոս
Օրվա լրահոսը

Էդուարդ Շարմազանով. «Արտահերթ ընտրությունները պատվերով համերգ չեն»

Հոկտեմբեր 31,2014 21:35

«Եռյակի առաջարկներին կամ պահանջներին ես անդրադարձել եմ և ավելացնելու բան չունենք: Այդ առումով մի բան կարող եմ ասել, որ ուլտիմատումներով և պահանջներով խոսելը քաղաքականության լեզուն չէ»,-Aravot.am-ի հարցին՝ ՀՀԿ Գերագույն մարմնի նիստում քննարկվե՞լ են եռյակի պահանջները, քանի որ Գագիկ Ծառուկյանն իր ելույթում նշեց, որ ժամանակ են տալիս իշխանություններին, հակառակ դեպքում իրենք պահանջելու են արտահերթ ընտրություններ, ՀՀԿ Գերագույն մարմնի նիստից հետո լրագրողների հետ հանդիպմանն այսպես պատասխանեց ՀՀԿ խոսնակ Էդուարդ Շարմազանովը:

Անդրադառնալով արտահերթ խորհրդարանական ընտրությունների հարցին՝ պարոն Շարմազանովը պատասխանեց. «Արտահերթ ընտրությունները պատվերով համերգ չեն: Եթե մենք գնանք այդ տրամաբանությամբ, ապա ՀՀ-ում մշտապես մենք կմտնենք ընտրությունների փուլ և մի ընտրությունը կփոխարինվի հաջորդով: Միշտ էլ կգտնվեն հասարակության շերտեր, ովքեր դժգոհ կլինեն այս կամ այն իրավիճակից: Երկրորդը, եթե մարդիկ ուզում են փոփոխություններ, ապա մենք գնում ենք համակարգային փոփոխությունների ճանապարհով, իսկ դրա լավագույն ճանապարհը սահմանադրական փոփոխություններն են»:

ՀՀԿ խոսնակը նաև տեղեկացրեց, որ փոխվարչապետի հարց նիստում չի քննարկվել:

 

Տաթև ՀԱՐՈՒԹՅՈՒՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Հոկտեմբեր 2014
Երկ Երե Չոր Հնգ Ուրբ Շաբ Կիր
« Սեպ   Նոյ »
 12345
6789101112
13141516171819
20212223242526
2728293031