Ինչպես հայտնի է, եռյակը խիստ յուրովի մեկնաբանեց նախագահի մամուլի քարտուղարի տարածած հայտարարությունը, թե սահմանադրական բարեփոխումների հայեցակարգի նախագծի լրամշակված տարբերակը Սերժ Սարգսյանի սեղանին է, բայց նախագահն ավելի ուշ՝ 2015թ. փետրվար-մարտ ամիսներին, կներկայացնի իր կարծիքը սույն փաստաթղթի վերաբերյալ։ Չնայած պարզաբանումներին, որ այդ ժամանակն անհրաժեշտ է Հիմնական օրենքի բարեփոխման շուրջ հասարակական համաձայնության մթնոլորտ ձեւավորելու համար, եռյակի դիրքորոշումը մնաց անսասան։ Այն է՝ իշխանությունը վախեցավ ընդդիմության նախաձեռնած հզոր հանրահավաքներից եւ ընկրկեց՝ հրաժարվելով կառավարման համակարգը փոխելու միջոցով վերարտադրվելու մտքից։
Շարունակում ենք ընթերցողների ուշադրությանը ներկայացնել բարեփոխումները նախապատրաստող հանձնաժողովի ղեկավար, ՍԴ նախագահ ԳԱԳԻԿ ՀԱՐՈՒԹՅՈՒՆՅԱՆԻ հետ մեր հարցազրույցը այս խնդիրների շուրջ։
-Նախագահին ներկայացված հայեցակարգի նախագիծը կարո՞ղ է վերանայվել, թե՞ սա վերջնական տարբերակ է, որը այլեւս փոփոխության ենթակա չէ։
-Ի՞նչ է նշանակում՝ վերջնական։ Փաստաթուղթը դեռ պետք է վավերացվի նախագահի կողմից. նախագահը կարող է ասել՝ վավերացնում եմ այսքանով, վավերացնում եմ ամբողջությամբ, վավերացնում եմ՝ պայմանով, որ փոփոխությունների փաթեթում հաշվի առնվեն այս, այս, այս նկատառումները։
Աշխարհում վերջնական ոչինչ չկա, հատկապես երբ խոսքը վերաբերում է պետության զարգացման համար կարեւոր այնպիսի փաստաթղթի, ինչպիսին սահմանադրական փոփոխությունների հայեցակարգն է։
Կարդացեք նաև
Հրապարակումն ամբողջությամբ կարող եք կարդալ «Հայոց աշխարհ» թերթի այսօրվա համարում:
