Մանվել Գրիգորյանի խոսքերով՝ «Պատանի երկրապահ» ակումբների ձեւավորմանը եւ հայրենասիրական դաստիարակությանն ուղղված միջոցառումների ուղեցույցով փորձելու են ինքնաճանաչում, հայրենասիրություն սովորեցնել երեխաներին
«Պաշտպանության, կրթության եւ գիտության նախարարությունների հետ փորձեցինք իրականացնել մեր սպարապետի գաղափարախոսությունը»,- լրագրողների հետ զրույցում, անդրադառնալով «Պատանի երկրապահ» ակումբների ձեւավորմանը եւ հայրենասիրական դաստիարակությանն ուղղված միջոցառումների ուղեցույցին, հայտարարեց «Երկրապահ կամավորականների միություն» հասարակական կազմակերպության նախագահ Մանվել Գրիգորյանը:
Նա նշեց, որ այդ ուղեցույցով փորձելու են ինքնաճանաչում, հայրենասիրություն սովորեցնել երեխաներին, նաեւ ֆիզիկապես պատրաստել նրանց. «Երեխան պետք է լավ մարդ դաստիարակվի, լավ հայրենասեր դառնա, ծնողասեր լինի: «Երկրապահ կամավորականները» միակ կառույցն է, որ մեզնից ավելի ուժեղ կամավորականներ են, որովհետեւ երկրապահ դառնալու թույլտվությունն իրենց ծնողներն են տալիս, ոչ թե իրենք են դիմում»:
Մանվել Գրիգորյանը հավելեց, որ գրքի ամեն տառի հետ ծանոթ է եւ վեց ամսից ավել է քննարկումներ են տեղի ունեցել. «Այս ծրագրին երեխաները պետք է ծանոթանան, ոչ թե փողոցում մեկ-մեկ ցույց են տալիս, հարցնում են մեր մեծ մարդկանց, թե ո՞վքեր են, ում անունն ասես տալիս են բացի իրենցից: Գոնե հայրենաճանաչություն, ինքնաճանաչությունը, հայ մարդու բարոյականությունը իմանան»:
Կարդացեք նաև
Ամի ՉԻՉԱԿՅԱՆ
Եթե այս մարդը նկատի ունի իր պատկերացրած բարոյականությունը, ապա լավ կլինի, որ մեր երեխաները դրանից, ինչքան հնարավոր է, հեռու մնան։