Լրահոս
Օրվա լրահոսը

Կապանում ջրագծի վթարից բնակարանների ապակիներ են ջարդվել, տները՝ ողողվել ջրով

Նոյեմբեր 02,2014 12:50

Այսօր առավոտյան Կապան քաղաքում մարզկենտրոնը սնուցող Գեղիի ջրատարի վրա խոշոր վթար է տեղի ունեցել, որի հետեւանքով ջրազրկվել է Կապան քաղաքի մի մասը: Մայր ջրագծից դուրս ժայթքած ջրի շիթի ուժեղ հարվածից վնասվել են մոտակա շենքի բնակարանների ապակիները, ջրով ողողվել են տները, նաեւ այդ տարածքում գտնվող մանկապարտեզին է վնաս հասցվել: Ինչպես տեղեկացնում են Սյունիքի մարզային փրկարարական ծառայությունից` մարդկային տուժածներ, բարեբախտաբար, չկան: Ահազանգ ստացել են առավոտյան ժամը 08.35-ի սահմաններում,
դեպքի վայր են մեկնել ՄՃԿԿ ՕԽ-ն և մեկ մարտական հաշվարկ:nkar2 (3)nkar3

«Պարզվել է, որ տեղի է ունեցել մայր ջրագծի վթար, ինչի հետևանքով խողովակից դուրս մղված ջրի շիթը (մոտ 20 մետր բարձրությամբ) կոտրել է 5 հարկանի շենքի առաջին հարկում տեղակայված թիվ 5 մանկապարտեզի ապակիները, ինչից մասնակի ջրալցվել են մանկապարտեզի սենյակները, վնասվել են նաև մոտ 15 բնակարանների պատուհաններ. ողողված տարածքը կազմում է մոտ 6000 քմ»,- տեղեկացնում են ԱԻՆ-ից: Կապանի մասնաճյուղի աշխատակիցների ուժերով դադարեցվել է խողովակաշարից դուրս եկող ջրի արտահոսքը:

Nkar (1)
«Հայջրմուղկոյուղի» ՓԲ ընկերության «Կապան» տեղամասի պետ Հովհաննես Գեւորգյանը դեպքի վայրից մեզ տեղեկացրեց, որ քիչ առաջ արդեն ամբողջովին վերացրել են վթարը: «Վթարը վերացրել ենք, թաղամասերին այսօր երեկոյան ժամը 18-ին ջուր ենք մատակարարելու, ջրամբարներում ջուր ունենք պաշարած, առանց ջրի չեն մնալու բաժանորդները» ,- տեղեկացրեց Հովհաննես Գեւորգյանը:

Մերի ՍՈՂՈՄՈՆՅԱՆ

Լուսանկարները՝ Ալեքսան Գրիգորյանի

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (2)

Պատասխանել

  1. Hasmik says:

    Տեսնենք կլինի մեկը . որ կբարձրաձայնի որ Հայջրմուղկոյուղին պետք է պատասխանատվությւոն կրի , կամ փոխհատուցում տա, կամ հետաքրքիր է արդյոք կաշխատի թափանցիկ և պատասխանատվություն կկրի , խիստ եմ կասկածում , մնացածն էլ թողնենք առանց մեկնաբանության ………….

  2. Վարազ Սյունի (Ամստերդամ) says:

    Կարծես Բուրկինա-Ֆասոն լինի:

    Դա նրանից է,որ «Հայջրմուղկոյուղի» ՓԲ ընկերությանը ԴԱՏԻ չեք տվել/տալիս՝ փոխհատուցում պահանջելով: Միա՛յն դատի տալն է զգաստացնելու «Հայջրմուղկոյուղի» ՓԲ կոչված այս ՎԱՏ ու անպատասխանատու ԱՇԽԱՏՈՂ ձեռնարկությանը:

Պատասխանել

Օրացույց
Նոյեմբեր 2014
Երկ Երե Չոր Հնգ Ուրբ Շաբ Կիր
« Հոկ   Դեկ »
 12
3456789
10111213141516
17181920212223
24252627282930