«100-ամյակը դիմավորելու ենք առանց ռեժիմի» շարժման հիմնադիր խորհրդարանի պատգամավորի թեկնածու Նարեկ Վարազդատյանը քաղաքական գործունեություն է սկսել Հայաստանի ներքին ու արտաքին խնդիրների դեմն առնելու համար:
«Արդեն հարցականի տակ է դրված Հայաստանի անկախության հարցը: Նախագահի աթոռը զավթած անձը բռնել է ԵՏՄ-ի ճանապարհը եւ այդ կերպ փորձում է Հայաստանը վերջնականապես վերածել գաղութի»,- այսօր «Նոյան տապան» ակումբում ասաց Նարեկ Վարազդատյանը:
Նա հպարտացավ, որ հայրը քաղբանտարկյալ է եղել, իսկ ինքը իրական ղարաբաղցի է , որը պայքարում է արդարության համար ու թալանչի, կողոպտիչ չէ:
Հետո պնդեց, որ «ռեժիմը պարտություն է կրելու վաղ թե ուշ: Նրանք պարտվելու են թե միջնախաղում, թե սկզբնախաղում եւ թե վերջնախաղում: Արյամբ եւ ընտրախախտումներով Բաղրամյան 26-ին տիրացած բանդան երբեք ձեռքերը ծալած չի հեռանա: Հաշվի առնելով սա՝ իրատեսական եմ համարում ժողովրդին համախմբել այլընտրանքային ծրագրի շուրջ, ինչը արել է «100-ամյակը դիմավորելու ենք առանց ռեժիմի» շարժումը: Ապրիլի 24-ին դուրս ենք գալու փողոց ու չենք վերադառնալու տուն մինչեւ մեր առջեւ դրված նպատակները չիրագործենք: Ապրիլի 24-ին վռնդելու ենք արյամբ ու բռնի ուժող իշխանությունը զավթած իշխանություններին»:
Կարդացեք նաև
Արփինե ՍԻՄՈՆՅԱՆ
