Վարդան Պետրոսյանի ավտովթարի գործով Կոտայքի մարզի ընդհանուր իրավասության դատարանի դատավոր Վաղինակ Մկրտչյանը մերժեց տուժողների ներկայացուցիչ Ռուբեն Բալոյանի դատախազ Արթուր Սարգսյանին բացարկ հայտնելու միջնորդությունը:
Ռուբեն Բալոյանը բացարկ հայտնելով հայտնեց, թե Վարդան Պետրոսյանի հիվանդության պատմության 28.10.13 նկարագրի էջերի տակ «բացակայում են դատաբժշկական փորձագետ Մինասյանի ստորագրությունները: Քրեական գործով ձեռք են բերվել տվյալներ, որ դատաբժիշկը ստորագրել է անցյալ տարվա հոկտեմբերի 25-ին, այցելելով «Էրեբունի» բժշկական կենտրոն,ստորագրել է հիվանդության պատմության լրացված յուրաքանչյուր էջի տակ»:
Ռ.Բալոյանն ասաց, թե դրա վերաբերյալ կա ցուցմունք:
Ըստ բացարկի, դատախազին պետք է հայտնի լիներ, որ «Վարդան Պետրոսյանի վերաբերյալ կազմած հիվանդության պատմության նկարագրի էջերը ենթարկվել են փոփոխության»:
Կարդացեք նաև
Տուժողի ներկայացուցիչը նշեց, որ չեն հարցաքննվել հիվանդության պատմության պահպանման համար պատասխանատու անձինք, պարզելու, ջնջումների պատճառները, չեն կատարվել դատավարական այլ գործողություններ:
Դատարանն անհիմն համարեց այս բացարկը:
Իսկ դատական գործընթացին հետեւող խորհրդային կալանավայրերում ամենաերկարատեւ ազատազրկված քաղբանտարկյալներից մեկը՝ Ռազմիկ Մարկոսյանը (ուսանկարում) մեր հարցին, թե ինչ կարող է ասել դատական գործընթացի մասին, պատասխանեց.«Արդարադատություն, որը դատելուց առաջ արդեն մեղադրել է»:
Ռուզան ՄԻՆԱՍՅԱՆ
