«Իրազեկ քաղաքացիների միավորման» համակարգող Դանիել Իոաննիսյանը մտավախություն ունի, որ ԵՏՄ-ին անդամակցելուց հետո Հայաստանի բանկային համակարգը կկորցնի իր կայունությունը:
«ԵՏՄ-ին անդամակցելուն պես ռուսական լիցենզիայով բանկերը, որոնք շատ ավելի հեշտ են լիցենզիա ստանում, քան Հայաստանում է բանկային լիցենզավորման գործընթացը, կսկսեն այստեղ գործունեություն իրականացնել եւ պայթելու դեպքում կպայթի նաեւ հայաստանյան մասնաճյուղը»,- այսօր «Նոյան տապան» ակումբում ասաց Դանիել Իոաննիսյանը: Նա ասաց, որ նման դեպքերը վատ են անդրադառնալու բանկային համակարգի վրա, ու քաղաքացիների վստահությունը բանկերի նկատմամբ կտրուկ կնվազ.«Կսկսվի մինի տնտեսական ճգնաժամ»:
Փորձագետ Հովսեփ Ղազարյանն էլ ասաց, որ սպասվում է՝ Հայաստանում գյուղատնտեսական վարկերի տոկոսադրույքների աճ, քանի որ ԵՏՄ անդամ երկրներում տոկոսադրույքները բարձր են: Ըստ նրա թանկացումներ են սպասվում սերմացուի, գյուղտեխնիկայի գների հարցում:
Արփինե ՍԻՄՈՆՅԱՆ
