Լրահոս
Օրվա լրահոսը

Արա Պապյան. «ԵՏՄ-ում Հայաստանի տնտեսական վիճակը կբարդանա»

Նոյեմբեր 24,2014 16:23

«Կարծում եմ` 2015-ը կլինի հանգուցալուծման տարի»,- այսօր` նոյեմբերի 24-ին, «Պոստ սկրիպտում» մամլո ակումբում լրագրողների հետ հանդիպման ընթացքում հայտարարեց «Մոդուս վիվենդի» վերլուծական կենտրոնի ղեկավար Արա Պապյանը:

2014 թվականի ընթացքում տեղի ունեցած ամենամեծ փոփոխությունը, ըստ նրա, Եվրասիական տնտեսական միության համաձայնագրի ստորագրումն է: Նրա խոսքերով` Հայաստանի անդամակցությունը Եվրասիական տնտեսական միությանը բազմաթիվ անհայտներ ունի եւ շատ անհասկանալի բաներ կան նաեւ Հայաստանի գործընկերների համար. «Ես Եվրասիական տնտեսական միությունից մեծ ակնկալիքներ չունեմ, կարծում եմ` Հայաստանի տնտեսական վիճակը կբարդանա, դրա նախանշաներն արդեն ակնհայտ են` Ռուսաստանում վատացող տնտեսական վիճակը, գումարած դրան նաեւ Ռուսաստանի դեմ շարունակվող եւ սաստկացող պատժամիջոցները, որոնք, ըստ էության, նաեւ մեր դեմ են»:

Արա Պապյանի կանխատեսմամբ` եթե Հայաստանի նախագահ Սերժ Սարգսյանը չեղյալ հայտարարի ցյուրիխյան արձանագրությունները, այդ դեպքում հնարավոր է, որ հայ-թուրքական հարաբերությունները տեղափոխվեն մեկ այլ քաղաքական հարթություն. «Իսկ եթե արձանագրությունները չեղյալ չհայտարարվեն, ամենայն հավանականությամբ ապրիլից առաջ թուրքերը ինչ-որ պատրանքային քայլ կկատարեն` ցույց տալու համար, որ հարաբերությունները լավացնում են, բայց մենք պարզապես ոչինչ չենք շահի: Չեմ բացառում, որ արձանագրություններից մեկը վավերացվի, մեկը չվավերացվի, ըստ էության, աշխարհի վրա տպավորություն ստեղծվի, որ արձանագրությունները վավերացված են հիմա Հայաստանը ինքը պետք է քայլեր ձեռնարկի, բայց արձանագրությունները չեն վավերացվի, եւ մենք կհայտնվենք ծանր իրավիճակում»:

Ամի ՉԻՉԱԿՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Նոյեմբեր 2014
Երկ Երե Չոր Հնգ Ուրբ Շաբ Կիր
« Հոկ   Դեկ »
 12
3456789
10111213141516
17181920212223
24252627282930