Լրահոս
Օրվա լրահոսը

Հայաստանում է Վրաստանի զինված ուժերի գլխավոր շտաբի պետը

Նոյեմբեր 24,2014 18:13

ՀՀ զինված ուժերի գլխավոր շտաբի պետ, գեներալ-գնդապետ Յուրի Խաչատուրովի հրավերով նոյեմբերի 24-ին Հայաստանի Հանրապետություն է ժամանել Վրաստանի զինված ուժերի գլխավոր շտաբի պետ, գեներալ-մայոր Վախթանգ Կապանաձեն:

sur4

Երկու երկրների զինված ուժերի գլխավոր շտաբերի պետերի միջև կայացած հանդիպման ժամանակ քննարկվել են պաշտպանության ոլորտում հայ-վրացական համագործակցության ընթացքը և հեռանկարները: Կողմերը բարձր են գնահատել հայ-վրացական պաշտպանական համագործակցության ներկայիս մակարդակը, ընդգծելով, որ այն ոչ միայն նպաստում է երկու հարևան պետությունների ռազմական գերատեսչությունների պաշտպանական կարողությունների զարգացմանը, այլև իր ուրույն ներդրումն է կատարում հարավկովկասյան տարածաշրջանում կայունության պահպանման գործում: Հանդիպման արդյունքում ձեռք են բերվել մի շարք պայմանավորվածություններ երկկողմ ռազմական համագործակցությունն ընդլայնելու ուղղությամբ:

sur11

Գեներալ-մայոր Վ.Կապանաձեի հետ առանձնազրույց է ունեցել ՀՀ պաշտպանության նախարար Սեյրան Օհանյանը: Հանդիպման ժամանակ քննարկվել են անվտանգության և պաշտպանության ոլորտում երկկողմ համագործակցությանն առնչվող, ինչպես նաև տարածաշրջանային անվտանգության ոլորտում երկուստեք հետաքրքրություն ներկայացնող հարցեր: Վրաստանի զինված ուժերի գլխավոր շտաբի պետը նշել է, որ իր երկիրը բարձր է գնահատում պաշտպանության ոլորտում Հայաստանի հետ համագործակցությունը, վստահ լինելով, որ առկա են բոլոր նախադրյալներն այն ընդլայնելու և ավելի արդյունավետ դարձնելու համար:

Հայաստանում գտնվելու ընթացքում գեներալ-մայոր Վ.Կապանաձեի գլխավորած պատվիրակությունը կայցելի նաև ՀՀ ՊՆ Վազգեն Սարգսյանի անվան ռազմական ինստիտուտ և Ծիծեռնակաբերդի հուշահամալիր:

 

ՀՀ պաշտպանության նախարարություն

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Նոյեմբեր 2014
Երկ Երե Չոր Հնգ Ուրբ Շաբ Կիր
« Հոկ   Դեկ »
 12
3456789
10111213141516
17181920212223
24252627282930