Լրահոս
Օրվա լրահոսը

Աշխարհի կրկնակի չեմպիոնը՝ վագոն-տնակից

Նոյեմբեր 24,2014 17:56

Տավուշի մարզի Բագրատաշեն գյուղի 17-ամյա բնակիչ Արմեն Աբովյանը նոյեմբերի 2-3-ը Ճապոնիայի Չիբա քաղաքում մասնակցել է կիոկուշին-կայ մարզաձեւի աշխարհի առաջնությանը,որտեղ իրենց ուժերն են չափել աշխարհի 40 երկրների մարզիկներ: Արմեն Աբովյանը դարձել է աշխարհի չեմպիոն:

Նա 2012թ. եւս նվաճել է աշխարհի չեմպիոնի տիտղոսը, 2 անգամ էլ դարձել Եվրոպայի չեմպիոն: Տավուշի մարզպետարանից հայտնում են, որ նոյեմբերի 24-ին Տավուշի մարզպետ Հովիկ Աբովյանը ընդունել է Արմեն Աբովյանին եւ նրա մարզիչ Արմեն Կիրակոսյանին, շնորհավորել հաղթանակի կապակցությամբ: Մարզպետի հանձնարարականով Նոյեմբերյան քաղաքում պայմաններ կստեղծվեն,որպեսզի Արմեն Կիրակոսյանը Բագրատաշենից զատ այնտեղ մարզչական գործունեություն ծավալի:

Աշխարհի կրկնակի չեմպիոն Արմեն Աբովյանը Բագրատաշենում բնակվում է փոքր վագոն-տնակում: Բագրատաշենի գյուղապետ Արկադի Մակյանը հայտնեց, որ Արմենի ավագ եղբայրը, որպես ժամկետային զինծառայող, ծառայում է ազգային բանակում, հայրը տաքսի մեքենա է վարում: Գյուղապետի խոսքերով՝ մարզպետը ըստ հնարավորի աջակցություն կցուցաբերի Արմեն Աբովյանին:

Ոսկան ՍԱՐԳՍՅԱՆ

Լուսանկարը՝ Տավուշի մարզպետարանի ինտերնետային կայքից

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Նոյեմբեր 2014
Երկ Երե Չոր Հնգ Ուրբ Շաբ Կիր
« Հոկ   Դեկ »
 12
3456789
10111213141516
17181920212223
24252627282930