Վրաստանը պահանջել է ՄԱԿ-ի Անվտանգության խորհրդի նիստ անցկացնել՝ Ռուսաստանի և Աբխազիայի միջև համատեղ ռազմական ուժեր ստեղծելու ձեռք բերված համաձայնության կապակցությամբ, հայտնել է Վրաստանի արտաքին գործերի նախարար Թամարա Բերուչաշվիլին, հաղորդում է «Նովոստի-Գռուզիա»-ն:
«Վրաստանը կտրուկ կբարձրացնի Ռուսաստանի այս ապօրինի գործողությունների հարցը միջազգային կազմակերպություններում, այդ թվում՝ ՄԱԿ-ում, որտեղ մենք արդեն պահանջել ենք Անվտանգության խորհրդի նիստ անցկացնել: ԵԱՀԿ-ում նույնպես պահանջել ենք նիստ անցկացնել Մշտական խորհրդի կազմով: Բացի այդ, մենք Եվրախորհրդից, ՆԱՏՕ-ից և Եվրամիությունից արձագանք ենք պահանջել: Մեր գործընկերների հետ արդեն հեռախոսազրույցներ ենք ունեցել», – հայտնել է Բերուչաշվիլին նոյեմբերի 24-ին արտակարգ ճեպազրույցի ժամանակ:
Երկու երկրների դաշինքի և ռազմավարական գործընկերության մասին Սուխումի և Մոսկվայի միջև ձեռք բերված պայմանագիրը ստորագրել են ՌԴ նախագահ Վլադիմիր Պուտինը և Աբխազիայի «նախագահ» Ռաուլ Խաջիմբան նոյեմբերի 24-ին: Պայմանագրով նախատեսվում է անվտանգության և պաշտպանական միասնական ուժերի ձևավորում:
Պատրաստեց Հովհաննես ԻՇԽԱՆՅԱՆԸ
Կարդացեք նաև
