Լրահոս
Օրվա լրահոսը

Լարիսա Ալավերդյան. Դիվերսանտների դատավարությունը ապացուցում է, որ Արցախը ունակ է ինքնուրույն գործողությունների (Տեսանյութ)

Նոյեմբեր 26,2014 14:12

«Միայն թվում է, որ այդքան հեշտ է դրական մթնոլորտ ստեղծել դատական գործընթացի ժամանակ, երբ դատում են անձանց, որոնք մեղադրվում են առնվազն 2 անձի սպանության մեջ, որոնցից մեկը անչափահաս է»,- այսօր` նոյեմբերի 26-ին, «Ֆորում» մամլո ակումբում լրագրողների հետ հանդիպման ընթացքում, հայտարարեց Մարդու իրավունքների առաջին պաշտպան, «Ընդդեմ իրավական կամայականությունների» հասարակական կազմակերպության նախագահ Լարիսա Ալավերդյանը:

Նա նշեց, որ հանդիպել է ադրբեջանցի դիվերսանտների հետ, որոնք իր հետ զրույցի ընթացքում խոստովանել են, որ շատ են ազդված. «Ասում էին, որ իրենք չէին սպասում, որ վերաբերմունքը այդչափ դրական կլինի: Ես չեմ կարծում, որ դա խաղ է: Իրենք էլ արդեն վարակված են այն ապատեղեկատվությամբ, որ իրենց հետ այս կամ այն կերպ կվարվեն»:

Լարիսա Ալավերդյանը համարում է, որ հայկական կողմը պետք է ստեղծված իրավիճակը գնահատի որպես առաջընթաց, քանի որ միշտ չէ, որ դատավարությունների ընթացքում պահվում են նորմերը. «Սա առաջադիմություն է, սա ապացուցում է, որ Արցախը ունակ է ինքնուրույն գործողությունների եւ անում են դա միջազգային նորմերին համապատասխան»:

Ամփոփելով իր խոսքը`Լարիսա Ալավերդյանը հայտարարեց, որ լայնածավալ պատերազմ չի կարող սկսել, քանի որ Ադրբեջանը հանդիսանում է «British petroleum» բրիտանական կազմակերպության գաղութը. «Այս տարածաշրջանում Մեծ Բրիտանիայի շահերը նույնն են մնացել, եւ ինքը չի կարող թույլ տալ, որ իր խողովակը կամ խողովակի մի մասը վտանգվի, դա հաստատ է: Այդ պատճառով` Ադրբեջանին ոչինչ չի մնում, քան այդպիսի քայլեր կատարելը: Ադրբեջանին որեւէ մեկը թույլ չի տա լայնամասշտաբ պատերազմ սկսել»:

Մանրամասները` տեսանյութում

Ամի ՉԻՉԱԿՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Նոյեմբեր 2014
Երկ Երե Չոր Հնգ Ուրբ Շաբ Կիր
« Հոկ   Դեկ »
 12
3456789
10111213141516
17181920212223
24252627282930