Լրահոս
Օրվա լրահոսը

Հոսպիտալացված երեխաների առողջական վիճակը բարելավվում է

Նոյեմբեր 29,2014 11:23

Երեկ ուշ երեկոյան Եղվարդ է մեկնել ՀՀ առողջապահության նախարար Արմեն Մուրադյանը  մասնագետների հետ:

Եղվարդի մանկապարտեզում նոյեմբերի 28 –ին արձանագրված  թունավորման հետևանքով  այս պահի դրությամբ հոսպիտալացվել է  3-6 տարեկան 51 երեխա, որից 33-ը` Եղվարդի «Նաիրի» բժշկական կենտրոն, 17-ը`  Երևանի  «Նորք» ինֆեկցիոն հիվանդանոց, 1-ը` «Սուրբ Աստվածամայր» բժշկական կենտրոն: Եվս  7  երեխա ստանում է ամբուլատոր բուժում:

Երեխաների առողջական վիճակն ունի  դրական դինամիկա:

Նախնական տվյալներով`  երեքի մոտ հաստատվել է շիգելոս աղիքային  հիվանդությունը: Մանկապարտեզի աշխատակիցները ևս ենթարկվել են  մանրէաբանական հետազոտության: Բոլոր սաների նկատմամբ  բժշկական հսկողություն է սահմանվել:

Թունավորման պատճառները ուսումնասիրվում են:

Նախարարը մինչ ուշ գիշեր գտնվել է Եղվարդի «Նաիրի» բժշկական կենտրոնում, զրուցել երեխաների ծնողների հետ:

ՀՀ առողջապահության նախարարության Հիվանդությունների և վերահսկման և կանխարգելման ազգային կենտրոնի  խմբերը բակային համայցեր են կատարել: Կասկածելի դեպքերը հոսպիտալացվել են:

Մասնագետների կողմից ձեռնարկված համաճարակաբանական հետազոտությունները և  կանխարգելիչ միջոցառումները շարունակվում են:

Երեխաների առողջական վիճակի և հակահամաճարակային աշխատանքների մասին պարբերաբար զեկուցվում է ՀՀ առողջապահության նախարարին: Իրավիճակը վերահսկելի է և գտնվում է  նախարարի անմիջական հսկողության ներքո:

 ՀՀ առողջապահության նախարարություն

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Նոյեմբեր 2014
Երկ Երե Չոր Հնգ Ուրբ Շաբ Կիր
« Հոկ   Դեկ »
 12
3456789
10111213141516
17181920212223
24252627282930