Գյումրիում կրակել են փաստաբանի տան պատուհանին

Գյումրիում կրակել են փաստաբանի տան պատուհանին

Հենց նոր հայտնի դարձավ, որ այսօր առավոտյան ժամը 8.45 սահմաններում կրակել են գյումրեցի փաստաբան Թամարա Յայլոյանի տան՝Պուշկինի փողոց, 16 տան ուղղությամբ՝ վնասելով պատուհանը: Վերջիններս արթնացել են հենց այդ կրակոցից: Թե ո՞րն է պատճառը ու արդյոք կապվա՞ծ է փաստաբանի մասնագիտական գործունեության հետ, այս մասին Թամարա Յայլոյանը դեռ ասելիք չունի, քանի որ դեռ ճշգրտումներ չի կատարել:

Մինչդեռ նրա գրասենյակի հարակից սենյակում աշխատող լրագրող Համլետ Մոսինյանը պնդում է, որ սա դիտավորություն է, որն ամենայն հավանականությամբ կապված է Թամարա Յայլոյանի՝ մասնագիտական գործունեության հետ:

Համլետ Մոսինյանը նաև ասում է, որ Թամարան բազմաթիվ աղմկոտ դատավարություններում կա, թեև նա այնքան բարի, փափուկ անձնավորություն է, որ բազում անգամ անվճար պաշտպանել է անապահով մարդկանց շահերը: «Ես իմ աչքով եմ տեսել նրանց սեփական տան պատուհանը, այն սովորական շենքի երկրորդ հարկի բարձրություն ունի, այդ ժամին շուն երբեք չէին կրակի, որ մտածեն, թե շուն էի խփում ՝պատահաբար իրենց պատուհանին կպավ: Շներին խփում են գիշերը: Միայն մի բան եմ զարմանում, որ այդ ժամին, երբ մարդիկ արդեն արթուն են, աշխատանքի են գնում,քաղաքի կենտրոնական վայրում նման բան է կատարվում»,- ասաց Համլետ Մոսինյանը:

Նշենք, որ փաստաբանի տան պատուհանները նայում են Գյումրու քաղաքապետարանի շենքին :

Նունե ԱՐԵՎՇԱՏՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

 
Առցանց Առավոտի լուրերին facebook-ով բաժանորդագրվելու համար սեղմեք