«Չորրորդ իշխանություն» թերթի զրուցակիցն է ԱԺ Հայ ազգային կոնգրես խմբակցության ղեկավար Լևոն Զուրաբյանը
– Պարոն Զուրաբյան, օրերս ծեծի են ենթարկվել Ղարաբաղյան պատերազմի հրամանատարներ Ռազմիկ Պետրոսյանը, Մանվել Եղիազարյանն ու Սուրեն Սարգսյանը: Ըստ շրջանառվող լուրերի՝ այս միջադեպի հետևում կանգնած է անձամբ փոխոստիկանապետ Լյովա Երանոսյանը: Ավելին, նա իր հարցազրույցում այս մասին խոսելիս ասել է, թե իր ներկայությամբ Սերժ Սարգսյանին ով էլ որևէ բան ասի, ականջները կկտրի: Կխնդրեի ձեր գնահատականը կատարվածին:
– Նախ՝ խնդրում եմ ձեզ և բոլոր լրատվամիջոցներին մեր հերոս ազատամարտիկների մասին խոսելիս բառապաշարից հանել «ծեծի ենթարկել», «ծեծի ենթարկվել» բառերը: Շակալները չեն ծեծում, այլ ընդամենը հարձակվում են: Տեղի է ունեցել ազատամարտիկների վրա ավազակապետական ռեժիմին սպասարկող մի ավազակային խմբի հարձակում՝ ազատամարտիկների և, ընդհանրապես, ըմբոստացող ժողովրդական շարժման ոգին կոտրելու նպատակով: Այո, բռնապետները հենց այդքան պրիմիտիվ են, և բոլորն ունեն նույն ձեռագիրը: Իրենց բնավորությունն այլոց վերագրելով՝ նրանք կարծում են, թե նման ստոր քայլերով խեղդելու են ժողովրդի ընդվզումը, և ինչպես միշտ՝ նրանք սխալվում են, որովհետև նման քայլերը միշտ, ֆիզիկայի օրենքների ճշգրտությամբ, առաջացրել են հակառակ արդյունք՝ է՛լ ավելի խորացնելով ժողովրդի ատելությունը ռեժիմի նկատմամբ: Ո՞ւմ վրա եք ձեռք բարձրացնում, ա՛յ շակալներ: Ռազմիկ Պետրոսյանին կամ Մանվել Եղիազարյանին կամ Սուրեն Սարգսյանին ոչ ոք չի զորակոչել և ուղարկել Ղարաբաղ: Նրանք, պետությունից էլ առաջ ընկնելով, կամովին մեկնել են ռազմաճակատ՝ կազմակերպելու Ղարաբաղի պաշտպանության գործը, արյուն թափել՝ հայ ժողովրդի և մեր պետության համար: Նման մարդկանց վրա ձեռք բարձրացնելու՝ ռեժիմի պատրաստակամությունը խորհրդանշում է ռեժիմի վերջնական բարոյական դեգրադացիան:
Արման ԳԱԼՈՅԱՆ
Կարդացեք նաև
Հարցազրույցն ամբողջությամբ՝ «Չորրորդ իշխանություն» թերթի այսօրվա համարում
