Վրաստան. Լարիի ժամանակավոր անկումը
Առաջինը Հայաստանում ընթացող պրոցեսին զուգահեռ ազգային տարադրամը սկսվեց արժեզրկվել Վրաստանում: Լարիի փոխարժեքը սկսեց անկում ապրել նոյեմբերի 20-ից հետո` մեկ շաբաթում արժեզրկվելով ավելի քան 3 տոկոսով:
Վրաստանի կառավարությունը ազգային տարադրամի փոխարժեքի անկումը պայմանավորում է Ռուսաստանում տիրող դրությամբ: Այս մասին հայտարարում էր փոխվարչապետ Կախա Կալաձեն` նշելով, որ լարիի անկման գլխավոր պատճառներից մեկը Ռուսաստանի դեմ կիրառվող պատժամիջոցներն են:
Թբիլիսցի բանկային փորձագետ Գոչա Թութբերիձեն, գնահատելով ստեղծված կացությունը «Ազատություն» ռադիոկայանի վրացական ծառայությանը տված հարցազրույցում նշում էր.- «Վերջին ամիսներին ներկրման ծավալները անշեղորեն աճում էին, արտահանմանը՝ նվազում: Ռուբլու փոխարժեքի սրընթաց անկման ֆոնին զգալիորեն նվազել է նաև արտերկրից ստացվող դրամական փոխանցումների ծավալը: Դրանց առյուծի բաժինը կրկին Ռուսաստանից է գալիս: Այս ամենը չի կարող չազդել լարիի կուրսի վրա»:
Կարդացեք նաև
Գեւորգ Ստամբոլցյան
Նյութի մանրամասները կարդացեք «Ազատություն» ռադիոկայանի կայքում
