Արդյունաբերության զարգացման եւ Հայաստանի ազգային մրցունակության հիմնադրամները կմիաձուլվեն: Այսօր կառավարության նիստում այս մասին ասաց էկոնոմիկայի նախարար Կարեն Ճշմարիտյանը:
Կառավարության որոշմամբ՝ Զարգացման հայկական գործակալությունը եւս կլուծարվի եւ նրանց գործառույթները կկենտրոնացվեն նոր ստեղծվող՝ Հայաստանի զարգացման հիմնադրամի իրավասության ներքո:
Կարեն Ճշմարիտյանը նաեւ ասաց, որ որոշումը պայմանավորված է արդյունաբերության զարգացման, ՀՀ տնտեսության մրցունակության բարձրացմանն ուղղված ծրագրերը առավել համակարգված եւ արդյունավետ իրականացնելու, ինչպես նաեւ ռեսուրսները կենտրոնացնելու եւ առավել արդյունավետ օգտագործելու անհրաժեշտությամբ: Դրա անհրաժեշտությունը նշել են նաեւ միջազգային փորձագետները:
Լուսինե ԲՈՒԴԱՂՅԱՆ
