Բելառուսի խորհրդարանն այսօր վավերացրել է Եվրասիական տնտեսական միությանը միանալու Հայաստանի պայմանագիրը, փոխանցում է «ԲԵԼՏԱ»-ն:
2014թ. հոկտեմբերի 10-ին Մինսկում ստորագրած պայմանագիրն արդեն վավերացրել են Հայաստանի, Ռուսաստանի և Բելառուսի խորհրդարանները:
«Այսօր մեզ մոտ պատմական օր է: Եվս մեկ անգամ մենք հաստատում ենք մեր ցանկությունը, մեր ընտրած զարգացման ուղղությունը: Վավերացումից հետո մենք դառնում ենք ԵՏՄ անդամ, սա մեծ հնարավորություն է», – ասել է Բելառուսում Հայաստանի դեսպան Արմեն Խաչատրյանը՝ նշելով, որ ապագա միությանը Հայաստանը կարող է օգտակար լինել բարձրագույն տեխնոլոգիաներով, բանջարեղենով, մրգերով. «Մենք լավագույն կոնյակն ունենք, մենք լավագույն հանքային ջրերն ունենք: Թեպետ ես չեմ մոռանում Բորժոմիի մասին: Մենք շատ բան ունենք»:
Արմեն Խաչատրյանը նաև ողջունել է բոլոր բելառուսներին, որոնք, ինչպես ինքն է կարծում, հայերին համարում են աշխարհի ամենաբարի ազգը:
Կարդացեք նաև
Պատրաստեց Հովհաննես ԻՇԽԱՆՅԱՆԸ
Բելառուսի խորհրդարանը երկու պալատ ունի, հետևաբար խորհրդարանը չի վավերացրել, այլ խորհրդարանի ստորին պալատը: Սրանից էլ բխում է, որ երեք երկրների խորհրդարանները չեն վավերացրել: Չի կարելի մարդկանց մոլորության մեջ գցել: Թեև գիտեմ, որ միտումնավոր չի արված, այլ պարզապես գրողը այս ամենից տեղյակ չի: ՈՐտեղի՞ց պետք է 100 000 աշխատավարձով տեղյակ մարդ գտենիք:
Կարապետ,
Բելառուսի Ազգային ժողովի խորհուրդը (խորհրդարանի վերին պալատը) նույնպես վավերացրել է պայմանագիրը, տես հղումում: Իսկ այստեղ ակտիվ հղում է արված նշված նյութին, քանի որ Արմեն Խաչատրյանի մեջբերումներն էդտեղից են:
https://eng.belta.by/all_news/politics/Belarus-senators-approve-ratification-of-agreement-on-Armenias-accession-to-EEU_i_78268.html