Լրահոս
Օրվա լրահոսը

Էդուարդ Շարմազանով. «Ո՞վ է ասում, որ գնաճը իջավ, սպեկուլյատիվ երեւույթները վերացան, դա օդից եղավ»

Դեկտեմբեր 19,2014 22:25

Այսօր ՀՀԿ ԳՄ նիստից հետո ՀՀԿ խոսնակ Էդուարդ Շարմազանովը լրագրողներին տեղեկացրեց, որ նիստի ընթացքում անդրադարձ է եղել նախագահի այցին Բրյուսել, քննարկվել են արտաքին եւ ներքին քաղաքական զարգացումները եւ ամփոփվել են ՏԻՄ ընտրությունները։

Պատասխանելով լրագրողների հնչեցրած գնաճի վերաբերյալ հարցերին՝ մասնավորապես, թե ինչու է նախագահը լռում հարցի շուրջ, Էդուարդ Շարմազանովը պատասխանեց, որ քաղաքական մեծամասնությունը խնդիրը քննարկելու համար 7 ժամ արտահերթ նիստ է գումարել, կառավարությունը քննարկել է, Կենտրոնական բանկը հանդես է եկել հայտարարությամբ եւ հավելեց.«Ի՞նչ է նշանակում նախագահը չի արձագանքում եւ ո՞վ է ձեզ ասում, որ գնաճը իջավ, սպեկուլյատիվ գործողությունները վերացան, դա օդից եղավ, չարաչար սխալվում եք։ Այդ ամենը չէր լինի, եթե չլիներ նախագահի հետեւողական գործունեությունը»։

Նրա խոսքով՝ խնդիրը մտահոգիչ է եւ այդ է պատճառը, որ նախընտրել են փակ քննարկումներ. «Սակայն ափսոսում եմ, որ որոշ պատգամավորներ չխոսեցին, կարծում եմ, որ եթե տեսախցիկներ լինեին, իրենք կխոսեին»։

Էդուարդ Շարմազանովի խոսքով՝ գնաճի խնդիրը բաժանվում է երկու մասի.  «Օբյեկտիվ պատճառներ՝ նավթի շուկան, դրամ-դոլար տատանումները եւ սուբյեկտիվ պատճառներ՝ դրանք սպեկուլյատիվ երեւույթներն են, որոնք խստորեն դատապարտելի են եւ կան համապատասխան իրավաբանական մարմիններ, որոնք դրանով կզբաղվեն։ Չի կարելի խուճապի ժամանակ մտածել քո եկամուտը ավելացնելու մասին»։

 

Էլյա ՀՈՎՀԱՆՆԻՍՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Դեկտեմբեր 2014
Երկ Երե Չոր Հնգ Ուրբ Շաբ Կիր
« Նոյ   Հուն »
1234567
891011121314
15161718192021
22232425262728
293031