Լրահոս
Օրվա լրահոսը

Վրացի երկու ռեժիսոր՝ «Օսկար»-ի կարճ ցանկում. Hollywood reporter

Դեկտեմբեր 20,2014 15:30
oskar

Վրացի երկու ռեժիսորների ֆիլմերը ընդգրկվել են 2015թ. «Օսկար» մրցանակաբաշխության օտարալեզու ֆիլմերի կարճ ցանկում, հաղորդում է «Հոլիվուդ Ռիփորթերը»:

Երկու ֆիլմերն էլ վերաբերում են Աբխազիայի հակամարտությանը:

Զազա Ուրուշաձեի «Մանդարիններ»-ը, որը Էստոնիայի և Վրաստանի համատեղ արտադրության ֆիլմ է, պատմում է 1990-ականների պատերազմից՝ Աբխազիայում էստոնական գյուղի մասին, որտեղի բնակիչներից մեկն իր տանը՝ կողք-կողքի, խնամում է վիրավորված թշնամիների՝ Աբխազիայի կողմից կռվող չեչեն վարձականի և վրացի զինվորի:

Ամերիկյան ակադեմիայի ազգային կինոմրցանակի ցանկում ներկայացված մյուս վրացական ֆիլմը Ջորջ Օվաշվիլիի «Եգիպտացորենի կղզի» ֆիլմն է, որն արդեն հրադադարից հետո ստեղծված դժվարություններից է պատմում:

Կարճ ցուցակի մեջ հայտնված 9 ֆիլմերից են նաև Անդրեյ Ժվիագինցևի «Լևիաֆան»-ը (Ռուսաստան), Պավել Պավլիկովսկու «Իդա»-ն (Լեհաստան), Աբդերահման Սիսոկոյի «Տիմբուկտու»-ն (Մավրիտանիա), Դամիան Սիֆրոնի «Վայրի հեքիաթներ»-ը (Արգենտինա), Պաուլա վան դեր ուստի «Մեղադրյալ»-ը (Նիդերլանդներ), Ռուբեն Ուսթլունդի «Ֆորս Մաժոր»-ը (Շվեդիա) և Ալբերտո Ալվերոյի «Ազատարար»-ը (Վենեսուելա):

2014թ. Կանի կինոփառատոնի գլխավոր մրցանակին արժանացած թուրք ռեժիսոր Նուրի Բիլգե Զեյլանի «Ձմեռային քուն»-ը, որն ընդգրկված էր երկար ցանկում, կարճի մեջ չի անցել:

Կարճ ցանկից 5 ֆիլմ կընտրվի ՝ 87-րդ «Օսկար»-ի մրցանակաբաշխության լավագույն օտարալեզու ֆիլմ կատեգորիայում ներկայացնելու: Միջոցառումը տեղի կունենա փետրվարի 22-ին:

 

Պատրաստեց Հովհաննես ԻՇԽԱՆՅԱՆԸ

 

 

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Դեկտեմբեր 2014
Երկ Երե Չոր Հնգ Ուրբ Շաբ Կիր
« Նոյ   Հուն »
1234567
891011121314
15161718192021
22232425262728
293031