Լրահոս
Օրվա լրահոսը

Մանվել Ղումաշյան. «Այսօր Պուտինի հոգեբանական իրավիճակը լուրջ է»

Դեկտեմբեր 22,2014 18:31

Եվրոպական ինտեգրացիա» հասարակական կազմակերպության վերլուծաբան Մանվել Ղումաշյանը այսօր` դեկտեմբերի 22-ին, «Հայելի» մամլո ակումբում լրագրողների հետ հանդիպման ընթացքում, անդրադառնալով այն հանգամանքին, որ Ռուսաստանի Դաշնության նախագահ Վլադիմիր Պուտինը, խոսելով Ռուսաստանի` արտերկրում տեղակայված ռազմաբազաների մասին, չի նշել Հայաստանում գտնվող ռազմաբազան, ասաց, որ չի կարողանում հասկանալ Պուտինի չակերտավոր մոռանալը

Նա չբացառեց հնարավորությունը, որ Վլադիմիր Պուտինը միտումնավոր չի խոսել Հայաստանում գտնվող ռազմաբազայի մասին, բայց նշեց, որ ինքը կատարվածը հակված է պատահականություն համարել` հաշվի առնելով ՌԴ նախագահի հոգեբանական վիճակը: Նա նկատեց, որ ասուլիսի ընթացքում Պուտինը նաեւ չի խոսել Ուկրաինայի հարավ-արեւելքի մասին. «Այսօր Պուտինի հոգեբանական իրավիճակը լուրջ է: Կարծում եմ` ճիշտ են ասում իր մասին, ինքն ինչքանով լավ է տիրապետում մարտավարությանը, այնքան վատ է տիրապետում ռազմավարական գործիքներին: Գուցե, նա հաշվարկների մեջ սխալ է գտել, եւ իր բոլոր քայլերով նա փորձում է երեսը չկորցնելով կարողանալ դուրս գալ ստեղծված իրավիճակից: Դա բավականին բարդ իրավիճակ է, եւ թերահավատությամբ եմ մոտենում այն կարծիքին, թե 2 անգամ միտումնավոր մոռացավ նշել Հայաստանի մասին»:

 

Ամի ՉԻՉԱԿՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (1)

Պատասխանել

  1. david says:

    Օ, հայկական անուղղելի լավատեսություն, դու եզակի երևույթ ես:

Պատասխանել

Օրացույց
Դեկտեմբեր 2014
Երկ Երե Չոր Հնգ Ուրբ Շաբ Կիր
« Նոյ   Հուն »
1234567
891011121314
15161718192021
22232425262728
293031