Մինչդեռ Կապանում եւ Սյունիքի մարզի մյուս քաղաքներում բնակիչները մտահոգված են առաջին անհրաժեշտության ապրանքների գների թանկացումներից եւ մտադիր են Նոր տարին դիմավորել հասարակ սեղանի շուրջ, ապա գյուղի բնակիչները վստահեցնում են, որ ո’չ թանկացումները, ո’չ էժանացումները գյուղական բնակավայրերում չեն զգում:
Սիսիանի տարածաշրջանի հեռավոր Լծեն գյուղի բնակիչներից մեկը մեզ հետ ունեցած զրույցում անկեղծացավ, որ իրեն ընդհանրապես չի հուզում գնաճը, ասում է` առաջին անհրաժեշտության բոլոր ապրանքներն ինքն իր գյուղական տնտեսությունում է ստեղծում եւ այս Նոր տարին էլ պատրաստվում է ճոխ սեղանի շուրջ նշել` իր իսկ ստեղծած գյուղական բարիքներով:
«Ոչ էժանացումն ենք զգում, ոչ էլ` թանկացումը: Քաղաքի խանութներում ապրանքները թանկանան-չթանկանան գյուղական արտադրության ապրանքները մեկ է չեն թանկանում: Միսը 2000 դրամ է մեզ մոտ, պանիրը 1500 դրամ, կաթը 150 դրամ, խնձորը 150-200 դրամ»:
Մանրամասները` տեսանյութում
Կարդացեք նաև
Մերի ՍՈՂՈՄՈՆՅԱՆ
