Մարդու իրավունքների եվրոպական դատարանում Փերինչեքն ընդդեմ Շվեյցարիայի գործում Ամալ Քլունիի Հայաստանը ներկայացնելու հետ կապված թուրք քաղաքական գործիչ Դողու Փերինչեքը վիրավորական մեկնաբանություն է արել քրիստոնյաների հասցեին, փոխանցում է «Հաբերլեր»-ը:
«Այս կինը կարող է մասնակցել դատավարությանը, բայց նույնիսկ, եթե Քրիստոսի կինը գա, նրանք հաջողության հասնելու ոչ մի հնարավորություն չունեն», – ասել է Թուրքիայի աշխատավորական կուսակցության նախագահը:
Ամալ Քլունին հայտնի դերասան Ջոր Քլունիի կինն է:
Փերինչեքի գործը վերաբերում է Հայոց ցեղասպանությունը ժխտելուն, ինչի համար Շվեյցարիայի դատարանը նրան մեղավոր էր ճանաչել ռասիզմի մեջ, սակայն նա դիմել էր ՄԻԵԴ, որտեղ հաղթել էր գործը: Շվեյցարիան դիմել է ՄԻԵԴ Մեծ պալատ՝ վճիռը բողոքարկելու: Հայաստանը հանդես է գալու որպես երրորդ կողմ: Դատական նիստը տեղի կունենա հունվարի վերջին:
Կարդացեք նաև
Պատրաստեց Հովհաննես ԻՇԽԱՆՅԱՆԸ
