Լրահոս
Օրվա լրահոսը

Գյումրեցիների սպանության գործով նյութերը ՀՀ իրավապահները կհանձնեն ռուս գործընկերներին ու կքաշվեն մի կողմ

Հունվար 13,2015 20:40

Փաստաբան Տիգրան Աթանեսյանը չի կարծում, որ նախօրեին Գյումրիում տեղի ունեցած սպանության գործի քննությանը Հայաստանի իրավապահները կմասնակցեն Ռուսաստանի իրավապահ մարմիների հետ համատեղ:

Հաշվի առնելով ՀՀ գլխավոր դատախազության տարածած այսօրվա հաղորդագրությունը, թե ՌԴ սահմանադրության 61-րդ հոդվածի 1-ին կետում ամրագրված արգելքի  համաձայն, ՌԴ քաղաքացին չի կարող հանձնվել այլ պետության:

Փաստաբանի խոսքով, գործի ամբողջ քննությունը ռուս իրավապահներն են անցկացնելու, հետեւաբար. «Ստացվում է՝ մեր իրավապահները ինչ նյութեր ունեն պետք է փոխանցեն Ռուսաստանի իրավապահ մարմիններին: Հայաստանը հայտնվում է այս գործում դիտորդի կարգավիճակում»:

Ըստ փաստաբանի, հանցագործության մեջ կասկածվող ռուս զինվորը Հայաստանին չէր կարող փոխանցվել, քանի որ նա ռուսական բազայի տրամադրության, իրավասության տակ է. «Դա է արգելք հանդիսանում, որ զինվորին հանձնեն մեզ: Եթե ոճրագործություն կատարողը չլիներ ռուս զինվոր, այլ լիներ Ռուսաստանի սովորական քաղաքացի  ու հանձնվեր Ռուսաստանի դեսպանություն, ապա դեսպանությունը նույնպես իրավունք չէր ունենալու նրան հանձնել: Որովհետեւ խոսքը չի գնում, թե ինչ հանցագործություն է արել ու որտեղ, այլ այն, թե ում իրավասության տակ է գտնվում ներկա պահին եւ այդ մարմինը իրավասո՞ւ է նրան հանձնել, թե՞ոչ»:

Արփինե ՍԻՄՈՆՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (2)

Պատասխանել

  1. Վարազ Սյունի (Ամստերդամ) says:

    Այս ի՞նչ կատարյալ հիմարություն է: Իսկ ու՞մ է տվյալ դեպքում հետաքրքրում Ռուսաստանի սահմանադրությունը: Հանցագործությունը կատարվել է ՀՀ ՏԱՐԱԾՔՈՒՄ, ՀՀ քաղաքացիների հանդեպ ու կասկածյալը գտնվու՛մ է ՀՀ ՏԱՐԱԾՔՈՒՄ: Այսինքն՝ սա Հայաստանի՛ իրավասության ներքո է: Միջազգային իրավունքը այս հարցում շատ հստակ է:

    Կա նաև երկկողմանի պայմանագիր (1997 թ., կետ 4,5) ,որտեղ ասվում է,որ հայեր մորթած Հայաստանի ռուսական բազայի ռուս զինծառայողը պիտի հանձնվի ՀՀ իրավասությանը:

  2. Մասիս says:

    Ծախուներ, ինչպես միշտ հայերի շահերը պաշտպանող չկա, մե պլոճիկով իշխանավորմ չկա հա? սաղը աթոռի տակի են, ըբը էն ոստիկանապետը, ուրա? ուրիշ վախտ գուկար Գյումրի, բերանը կծռմռեր, հմի ուր է փախել, կամ էդ գլխավոր դատախազը, սաղդ խուրդիկ էդ ընտանիքի արյունը ձեր պաշտոնների հմար, ձեր տներն օր էղներ, ազգային ողբ կսարքեիք,անամոթներ, չեղած գլխներիդ շորմ քցեք ելեք տեսեք ժողովուրդը ինչ կսե ձեր մասին

Պատասխանել

Օրացույց
Հունվար 2015
Երկ Երե Չոր Հնգ Ուրբ Շաբ Կիր
« Դեկ   Փետ »
 1234
567891011
12131415161718
19202122232425
262728293031