Ռուս ընդդիմադիր քաղաքական գործիչ Բորիս Նեմցովը ֆեյսբուքյան իր էջում անդրադարձել է Գյումրիում տեղի ունեցած սպանդին: «Երբ հակամայդանի կրեմլյան շարժումը Գյումրիում հայ ընտանիքի սպանության մեջ մեղադրվող Պերմյակովին խղճի գերի է հայտարարում, ինչի՞ վրա է հույս դնում` հայ ժողովրդի սիրո՞, թե՞ այն բանի, որ ռուսներին անիծեն նույնիսկ մինչեւ հիմա բարեկամ Հայաստանի քաղաքացիները: Ոնց որ թե ռուս կրեմլյան սադրիչները հենց երկրորդի վրա էլ իրեն հույսը դնում են, իսկ Կրեմլում նրանց լուռ հետեւում են,- գրել է նա եւ ավելացրել, որ Հայաստանի Հանրապետության տարածքում տեղակայված ռուսական ռազմաբազայի հետ կապված գործերով իրավական փոխօգնության եւ իրավազորության հարցերի համաձայնագիր է գործում, որը ստորագրվել է դեռեւս 1997 թվականին:
Համաձայնագրի 4-րդ հոդվածից ուղղակիորեն հետեւում է, որ ռուս զինծառայող Վալերի Պերմյակովը, որին մեղադրում են հայկական ընտանիքի 6 անդամի գնդակահարության մեջ, պետք է հանձնվի հայկական արդարադատությանը, այդ պատճառով Երեւանի եւ Գյումրիի ցուցարարները միանգամայն օրինական կերպով Ռուսաստանից պահանջում են կատարել միջազգային պարտավորությունները:
«Պերմյակովին չեն հանձնում եւ նրան նույնիսկ խղճի գերի են կոչում… Իսկ հետո մենք զարմանում ենք, թե ինչու են բոլորը մեզ ատում»,- գրել է Բորիս Նեմցովը:
Փաստորեն, ցանկացած երկրի՝միայն ընդդիմադիրներն էն,որ ՝«սեւին» սեւ էն ասում եւ «սպիտակին» սպիտակ։ Հավանաբար, փոխատեղումները՝ այլեւս անհրաժեշտություն է եւ օրակարգային։ .