Լրահոս
Օրվա լրահոսը

Նոր Վարագավանքի նորոգումը կիսատ է մնացել

Հունվար 20,2015 22:03

2012թ. ապրիլի 26-ին Տավուշի մարզ այցելության ժամանակ նախագահ Սերժ Սարգսյանը եղել է Նոր Վարագավանքում, քննարկել դրա վերանորոգման հարցը: 2012թ. սկսվեց վանական համալիրի նորոգումը: Այն կատարվեց  «Իդեալ համակարգի» սեփականատեր Նորայր Խաչատրյանի միջոցներով: Վարագավանի գյուղապետ Սամվել Մանուչարյանն ասաց, որ  Ն. Խաչատրյանը մորական կողմից Վարագավան գյուղի թոռ է: Գյուղապետը չգիտի, թե  Խաչատրյանը որքան  գումար է  ներդրել վանական համալիրի նորոգման նպատակով:

Որոշ տեղեկություններով՝ նա այդ գործի համար նվիրաբերել է 1 միլիոն ԱՄՆ դոլար: Վերանորոգման ընթացքում Բերդի տարածաշրջանի մի խումբ բնակիչներ դժգոհություն էին արտահայտել կատարված աշխատանքների որակի վերաբերյալ: Սամվել Մանուչարյանն ասաց, որ ինքն  այդ մասին չի լսել: Նրա վկայությամբ՝ 2-3 ամիս առաջ նորոգման աշխատանքներն ավարտվել են,վերանորոգվել է վանական համալիրի շուրջ 70 տոկոսը: Թե վանական համալիրի մնացած հատվածը ե՞րբ, ո՞ւմ միջոցներով կնորոգվի՝ Սամվել Մանուչարյանը չգիտի: Համայնքի ղեկավարն ասաց, որ   վանական համալիրը գտնվում է ՀՀ մշակույթի նախարարության հուշարձանների պահպանության ընկերության հաշվեկշռում:

Այնտեղ, երբեմն, հոգևոր արարողություններ՝ կնունքներ, պսակադրություններ  են  կատարվում, շատ հավատացյալներ, զբոսաշրջիկներ են գալիս Բերդի տարածաշրջանից, Հայաստանի տարբեր վայրերից,արտասահմանյան  երկրներից: Վանական համալիր տանող ճանապարհը ասֆալտապատ է, ինչր դյուրացնում է Նոր Վարագավանք մարդկանց հոսքը: Ամեն տարի սեպտեմբերի վերջին  Նոր Վարգավանքում Վարագա Սուրբ Խաչի տոնն է, Սուրբ Էջմիածնից այստեղ է տեղափոխվում Քրիստոսի Խաչափայտի մասունքը՝ հավատացյալների երկրպագության համար, մատուցվում է տոնական պատարագ:

Ոսկան ՍԱՐԳՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (1)

Պատասխանել

  1. Արթուր Ղազարեան says:

    Օ՜հ, մեր չքնաղ վանքը,,

    Վանք նորոգելն, անշուշտ, Աստուածահաճոյ գործ է: Բայց կոնկրետ Շամշադինում մի մեծ խնդիր կայ, որ չեմ կարող շրջանցել՝ վազաշէն-Պառաւաքար ճանապարհը, որ թշնամու ուղիղ նշանառութեան տակ է:

    Մի քանի տարի առաջ զինուորականներ զոհուեցին այդ հատուածով անցնելիս: Ու արդէն քանի տարի է այլընտրանքային հանապարհը (մօտ 2-3 կմ) տակաւին պատրաստ չէ: Ամէն բանի փող կայ, բայց նման հրատապ խնդիրների համար՝ ո՞չ:

    Մեծ շուքով Նոր Տարի ես նշում ՍՍ, նոյնսիկ ասում են հին Նոր տարին էլ հետը (համազգային սգի օրերին):

    Բա մենք էլ ենք ուզում Ամանորին գիւղ գնալ մեր տատուպապի մօտ: Ամէն անգամ եթէ գիշեր է, ճամփի այդ մասնում ավտոյի լոյսերն անջատում ենք, որ թշնամին չկրակի:

    Լաւ, մի՞թէ դու, որպէս դէ յուրէ (սակայն ոչ դէ ֆակտո) ՀՀ նախագահ կարեւոր հարցը երկրորդականից չես տարբերում: Գիւմրիում ընտանիքի սպանդ արեցին, մէկ շաբաթ էր լեզուդ քարկապ էր ընկել, ծպտուն չէիր հանում: Յետոյ էլ պարզուեց Էրդողանի հետ «չաթ» ես անում՝ «փարթի» գնալ, թէ չէ:

    Քանի տարի պիտի սպասենք, որ ռազմավարական նշանակութեան էդ ճամփէն սարքես: Թէ՞, (հազար ներողութիւն) քո գործը միայն զինուորներին յետմահու շքանշաններ տալն է: Բակո Սահակեանի հետ մրցում ես կպնում՝ ով շատ մեդալ կը տայ:

Պատասխանել

Օրացույց
Հունվար 2015
Երկ Երե Չոր Հնգ Ուրբ Շաբ Կիր
« Դեկ   Փետ »
 1234
567891011
12131415161718
19202122232425
262728293031