«Տեղի ունեցած ցույցերը, հոգեհանգստի եւ հուղարկավորության արարողությունները ոչ միայն սգի արտահայտման ձեւեր էին, այլ նաեւ դրանով գյումրեցիները տեղի ունեցածի նկատմամբ իրենց վերաբերմունքն էին արտահայտում»,- Aravot.am-ի հետ զրույցում ասաց «Շիրակ կենտրոն» հասարակական կազմակերպության նախագահ Վահան Թումասյանը:
Նրա խոսքերով՝ միջադեպը գյումրեցիների հոգեբանության մեջ փոփոխություններ է առաջացրել, եւ եթե նույնիսկ կասկածյալ Վալերի Պերմյակովին փոխանցեն Հայաստանին, ռուսների հանդեպ գյումրեցիների վերաբերմունքն այլեւս այն չի լինի, ինչ որ կար. «Գյումրեցիներն իրենց գնահատականը տվեցին, մտածելակերպի եւ վերաբերմունքի մեջ հեղափոխական փոփոխություններ եղան: Ռուսների հանդեպ գյումրեցիների վերաբերմունքը այլեւս այն չի լինի, ինչ որ կար, դա շատ երկար է մնալու գյումրեցիների հիշողությունների մեջ»:
Անդրադառնալով Ռուսաստանի արտաքին գործերի նախարար Սերգեյ Լավրովի հայտարարությանը, թե կատարվածը չպետք է քաղաքականացնել՝ պարոն Թումասյանը նշեց, որ նման դեպքերում միշտ կլինեն մարդիկ, որոնք կքաղաքականացնեն կատարվածը. «Իր այդ հայտարարությամբ Լավրովն էլ է քաղաքականացնում գործընթացը: Բնականաբար, գործընթացը քաղաքականացնելու փորձեր կլինեն եւ դա շատ նորմալ է: Եթե մեկ այլ երկրում լիներ իրենք չէին քաղաքականացնի՞: Հիմա գյումրեցին չի մտածում քաղաքականացնո՞ւմ է կատարվածը, թե՞ ոչ, այլ իր մեջ վերլուծություններ է արել եւ իր վերաբերմունքն է արտահայտում»:
Ամի ՉԻՉԱԿՅԱՆ
Ես և իմ ընտանիքի անդամները շատ մեծ ցավ ապրեցինք Գյումրիում կատարված,Ավետիսյանների ընտանիքի նկատմամբ ջարդը (եղեռնը):
Ես ուզում եմ իմ կարծքը հայտնել այդ ջարդի նկատմամբ,որտեղ առանց վարանելու ակնհայտ երևում է թուրքական ձեռագիր,որովհետև թուրքն է միայն այդպիսի ոճրագործության ունակ,անկողնում սպանել քնած մառդկանց:
Ես միանում եմ Գյումրեցիների պահանջին,որ լինի արդար դա,ես նաև խորհուրդ կտայ մեր ղեկավարությանը լինել տղամարդ և լինել ժողովրդի հետ:
Ես խորը վշտով ցավակցում եմ Ավետիսյանների հարազատներին և բարեկամներին: Եվ կոչ եմ անում բոլորին, նրանց վիշտը չդարձնել պայքարի, դժգոհությունների, միմյանց դեմ հրահրելու միջոց: Եվ պետք չէ հայտարարություններ անել բոլորի անունից:Յուրաքանչյուր նորմալ անձ ունի իր սեփական կարծիքը այս ամենի վերաբերյալ: