Հունվարի 27-ին ՀՀ տարածքային կառավարման եւ արտակարգ իրավիճակների նախարար Արմեն Երիցյանը Տավուշի մարզպետ Հովիկ Աբովյանի ուղեկցությամբ այցելել է Տավուշի մարզի սահմանամերձ մի շարք գյուղեր: Ոսկեպար գյուղում հանդիպման ժամանակ բնակիչները բարձրացրել են իրենց զինվելու խնդիրը: Սահմանամերձ գյուղից մի տղամարդ նախարարին ասել է, որ իրեն անհանգստացնում են իր 4 երեխաների անվտանգության հարցը, սահմանագոտու միջադեպերը, ինքը ցանկանում է զենք ունենալ:
Նախարար Երիցյանը ոսկեպարցիներին ասել է, որ նրանք կարող զինվել, եթե անդամագրվեն Հայաստանի որսորդների միությանը եւ զենք գնեն որսորդական խանութից:
Ոսկեպարի բնակիչները հայտնեցին, որ նախարարի հետ հանդիպման ժամանակ իրենք բարձրացրել են նաեւ գյուղի վերեւի հատվածից դեպի Ոսկեպար, 9կմ երկարությամբ ջրագծի շինարարության եւ Ոսկեպարում կառուցված գազատարը գործարկելու հարցերը:
Ոսկան ՍԱՐԳՍՅԱՆ
