Հունվարի 28-ին Նոյեմբերյանի տարածաշրջանի Հաղթանակ գյուղում հանդիսավորությամբ նշվեց հայոց բանակի տոնը: Ժամը 11-ին միջոցառման մասնակիցները՝ Հաղթանակի գյուղապետ Վահրամ Շարոյանի գլխավորությամբ ծաղիկներով այցելեցին գյուղի զոհված ազատամարտիկների հուշարձան:
Վ. Շարոյանի հայրը՝ մահապարտների դասակի հրամանատար, կապիտան Գարեգին Շարոյանը զոհվեց Վաղուհասում, 1992թ. սեպտեմբերի 21-ին: Գյուղապետի եղբայրը՝ ավագ լեյտենանտ Վահագն Շարոյանը զոհվեց 2002թ. դեկտեմբերի 11-ին, Կոթի գյուղի պաշտպանական դիրքերում:
Բանակի օրվա կապակցությամբ Հաղթանակում կայացավ շախմատի մրցաշար, որը կազմակերպել էր գյուղի դպրոցի շախմատի ուսուցիչ Ռուսլան Խաչատրյանը, հովանավորել՝ գյուղապետ Վ. Շարոյանը: Մրցաշարի հաղթողին, 2-րդ, 3-րդ տեղեր զբաղեցնողներին հանձնվեցին հուշանվերներ:
Կարդացեք նաև
Ոսկան ՍԱՐԳՍՅԱՆ
Իսկ Տավուշի մարզպետարանն ու իր մարզպետ Հ.Աբովյանն ինչպիսի միջոցառումներ են նախատեսել կամ նախատեսել են արդյոք?: Տավուշի մարզի ողջ բնակչությունն իրենց ազատամարտիկների հետ միասին հսկայածավալ ներդրում ունեն մեր սահմանների պաշտպանության ու բանակաշինության գործում և առավել քան այլոք, գնահատանքի են արժանի, սակայն ինչպես նախկին մարզպետ Ա.Ղուլարյանը, այնպես էլ ներկայիս մարզպետը, բանից պարզվում է , նույն ՛՛խրամատից՛՛ են դուրս եկել…: