«Հայազն» կուսակցության վարչությունը բացարձակ վրդովմունք է հայտնում Հիմնադիր Խորհրդարանի կազմակերպված ավտոշարասյան հանդեպ իրականացված բռնության կապակցությամբ։ Քաղաքական գործունեության հանդեպ միակ հնարավոր և հանրորեն ընդունելի հակադարձման ձևը կարող է լինել միայն քաղաքական գործողությունը՝ բացառելով ոստիկանական բռնությունն ու այլատեսակ չարաշահումները։
Մեզ համար հատկապես հիմնովին մերժելի են և թշնամական Հայաստանի ցանկացած մասի տեղական իշխանիկների անջատողական «հակաերևանյան» դրսևորումները և մեր հայրենակիցների նպատակասլաց օտարումը միասնական ազգային-պետական մարմնից։ Ցանկացած քաղաքական ուժ լիիրավ իրավունք ունի գործել մեր միասնական Հայրենիքի ցանկացած անկյունում։ Մենք ևս մեկ անգամ համերաշխություն ենք հայտնում Հիմնադիր Խորհրդարանին և առաջարկում ենք մեր ներուժը վերոհիշյալ երևույթները ի սպառ վերացնելու գործում։
Կեցցե՜ Ազգային Հեղափոխությունը
«Հայազն» վարչություն
