Լրահոս
Օրվա լրահոսը

Գայանե Սողոմոնյանը ցրվող դասարանի մասին. «Դպրոցն ու ծնողը պետք է գրագետ աշխատեն»

Փետրվար 06,2015 21:27

Քաղաքապետարանի կրթության վարչության պետը հավաստիացնում է, որ ամեն ինչ օրենքի սահմաններում է:

 

Aravot.am-ը  Երեւանի թիվ 132 դպրոցի 5 րդ դասարանի աշակերտի ծնոողներից մտահոգություն էր ստացել այն մասին, որ դպրոցի 5/4 դասարանը պատրաստվում են ցրել: Ընդ որում, ըստ ծնողների, դա արվում է ոչ թե նոր ուսումնական տարվա սկզբից, այլ հենց հաջորդ շաբաթվանից:

Դպրոցի տնօրեն Էրիդա Հայարապետյանը չթաքցրեց, որ իսկապես նման որոշում է կայացվել:

Մեկնաբանության ակնկալիքով կապվեցինք նաեւ Երեւանի քաղաքապետարանի կրթության վարչության պետ Գայանե Սողոմոնյանի (լուսանկարում) հետ:

Տիկին Սողոմոնյանը նշեց, որ ամեն ինչ օրենքի սահմաններում է, ինչ վերաբերում է հոգեբանական պահին, նրա ձեւակերպմամբ, դպրոցն ու ծնողը պետք է գրագետ աշխատեն, լինեն նրբանկատ եւ օգնեն երեխաներին՝ հաղթահարել այդ «փորձությունը»:

Վարչության պետը հավելեց, որ թիվ 132 դպրոցում  դասարանների կոմպլեկտավորման կարգի խախտում էր կատարվել,  արդյունքում՝ յուրաքանչյուր դասարանում՝  20-21 երեխա է սովորում՝ 35 փոխարեն: Գայանե Սողոմոնյանի խոսքով, դրանից այլ խնդիրներ էլ են ածանցվել, այդ թվում՝ ֆինանսավորման: Ու որպեսզի կարգի խախտում չարվի, դպրոցի տնօրինությանն առաջարկվել է դասարանների միացում անել, վիճակահանությամբ 5/4 դասարանին է վիճակվել բաժանվել մյուս երեք դասարանների վրա:

«Քաղաքապետարանի ֆինանսական վարչությունը տվել է հանձնարարական՝ դասարանները կոմպլեկտավորել օրենքով սահմանված կարգով: Ամբողջ պատմությունը սա է, զուտ հոգեբանական պահն է, որ երեխաները այդքան տարի միասին սովորել են, ու այսօր թեկուզ նույն դպրոցի ներսում այժմ տարանջատում է լինելու: Երեխաների մոտ հոգեվիճակի խնդիր է, ծնողները պետք է ավելի աչալուրջ լինեն եւ օգնեն հաղթահարել, ոչ թե ավելի էմոցիոնալ դաշտ ստեղծեն: Ի վերջո, բոլոր երեխաները նույն դպրոցում են սովորում, կողք կողքի դասարաններում, նույն հարկում»,-հավելեց տիկին Սողոմոնյանը:

Գոհար ՀԱԿՈԲՅԱՆ

 

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (1)

Պատասխանել

  1. gohar says:

    35 երեխա մի դասարանւմ՞, մի քիչ ել ավելացրեք քանակը ․Թոխ դասատւն ւյասպառ լինի,աշակերտըն էլ բերանը չ՛հասցնի բացել, տերը օվ է՞․«Քաղաքապետարանի ֆինանսական վարչությունը տվել է հանձնարարական՝ դասարանները կոմպլեկտավորել օրենքով սահմանված կարգով՛,օվ է կազմել այս անհեթեթ օրենքը՞

Պատասխանել

Օրացույց
Փետրվար 2015
Երկ Երե Չոր Հնգ Ուրբ Շաբ Կիր
« Հուն   Մար »
 1
2345678
9101112131415
16171819202122
232425262728