Քիչ առաջ մեկնարկեց ՀՀԿ Գերագույն մարմնի նիստը: Մասնակցում է ՀՀ նախագահ Սերժ Սարգսյանը, ՀՀ վարչապետ Հովիկ Աբրահամյանը և ՀՀԿ ողջ վերնախավը: Ուշագրավ է այն, որ ՀՀ վարչապետ Հովիկ Աբրահամյանին բավականին շուտ՝ դեռ 18.30-ի դրությամբ ՀՀԿ կենտրոնական գրասենյակում տեսնողներ են եղել, մինչդեռ նիստը նախատեսված էր ժամը 20.30-ին:
Այսօրվա նիստի հետ կապված անսովոր էր ոչ միայն նիստի օրվա ընտրությունը՝ երկուշաբթին, այլև այն, որ փոխվել էր լրագրողների համար նախատեսված սենյակը և կարգերը: Այն սենյակում, որտեղ սովորաբար նիստից հետո լրագրողների հարցերին պատասխանում էր ՀՀԿ խոսնակ Էդուարդ Շարմազանովը, այսուհետ տեղակայված է լինելու «Հայք» հեռուստաընկերությունը:
Լրագրողները այսուհետ նաև այլ պայմաններում և կանոններով են աշխատելու: Օրինակ՝ սենյակում դեռ WiFi կապ չկա, չնայած վստահեցրին, որ հաջորդ նիստին կլինի, կամ սենյակ մուտք գործելուց հետո եթե հանկարծ որևէ լրագրող որոշի դուրս գալ սենյակից, ապա հետդարձի իրավունք չի ունենալու:
Տաթև ՀԱՐՈՒԹՅՈՒՆՅԱՆ
Կարդացեք նաև
Ընենց չի, որ կոտորվում եմ ներկա լինելուց ՀՀկ միջոցառումներին..ներկա չեմ եղել ու չեմ էլ ուզում երբեւէ ներկա լինել…բայց սենյակ մուտք գործելուց հետո ինչու պետք է արգելվի լրագրողի հետդարձի իրավունքը….իրանք իրանցից վախենում են….