Լրահոս
Օրվա լրահոսը

Թուրքիայի քաղաքացին Շիրակի դատարանում Հրանտ Դինքին էր մեջբերում (Տեսանյութ)

Փետրվար 10,2015 21:44

Այսօր Շիրակի մարզի ընդհանուր իրավասության դատարանում խորթ հոր` Թուրքիայի քաղաքացի Էվիլյա Գյուլիշթեքինի սպանության մեջ կասկածվող 25-ամյա Մաքսիմ Բաքոյանի դատավարության ավարտին, սպանվածի քույրն ու եղբայրը սկզբում թուրքերեն, այնուհետ քրդերեն լեզվով սկսեցին բավական բորբոքված հարցազրույց տալ լրատվամիջոցներին: Մենք փորձում էինք հասկանալ, թե ինչ են ասում Ջենգիզ Չալին ու Ֆաթիմա Գյուլիշթեքին, հատկապես որ անընդմեջ լսում էինք Հրանտ Դինքի անունը:

Նկատենք, որ թարգմանչուհին այդ ընթացքում չգիտես ինչու զլանում էր մոտենալ ու թարգմանել: Մենք փորձեցինք Ջենգիզ Չալիի հետ շփվել անգլերեն լեզվով, սակայն նա ասաց, որ չի խոսում, սակայն մեկ բառով հասկացրեց, որ Հրանտ Դինքը իր մեծ եղբայրն է: Արևելագետ Արտակ Ավետիսյանին խնդրեցինք թարգմանել տուժողի իրավահաջորդի խոսքը: Վերջինս նշեց, որ մեկ-երկու բառ թուրքերեն արտաբերելուց հետո Ջենքիզ Չալին անցել է քրդերինի, խոսել է  բարբառով: Նա իր զրույցի սկզբում շեշտել է` «Մենք բոլորս Հրանտ Դինք ենք, մենք Հրանտի կողմնակից ենք»:

Այնուհետ ասել է.«Թող ամեն ինչ օրենքի շրջանակներում լինի,  ինձ հույս տվողը օրենքն է, և ինչքան պետք է, ես կպայքարեմ, կդիմեմ Հայաստանի արդարադատության բոլոր օղակներին»:

Մանրամասները` տեսանյութում

Նունե ԱՐԵՎՇԱՏՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2015
Երկ Երե Չոր Հնգ Ուրբ Շաբ Կիր
« Հուն   Մար »
 1
2345678
9101112131415
16171819202122
232425262728