Անցած տարվա նոյեմբերին մի քանի օրվա տարբերությամբ քաղաքի տարբեր հատվածներում հրկիզվեցին միանգամից մի քանի ակտիվիստի մեքենաներ, հարուցվեցին քրեական գործեր:
Կարեն Հարությունյանի մեքենան անհայտ անձանց կողմից հրկիզված մեքենաներից մեկն էր:
«Շատ լուրջ առաջընթաց կա, գործը Կենտրոնի ոստիկանությունից մեկ ամիս առաջ տեղափոխվեց հատուկ կարեւորագույն գործերի վարչություն: Սա կարեւորագույն առաջընթացն է»,-հեգնեց ակտիվիստը:
Նրա պատմելով, գործի տեղափոխումից հետո իրեն կրկին հարցաքննության են կանչել. «Հատուկ կարեւորագույն գործերով քննիչը մի քանի հարց է տվել, այդքանը: Սպասելիք չունեմ, մարդիկ թղթաբանություն են անում, որ ցույց տան, թե գործ են անում»:
Կարդացեք նաև
Կարեն Հարությունյանի խոսքով, իր մեքենայի հրկիզումից անմիջապես հետո, քրեական հետախուզության վարչության աշխատակիցները իրենից հետաքրքրվել են՝ ինչ կասկածներ ունի.«Ասացի՝ գնացեք, գտեք, թե ՀՀԿ-ում ովքեր ունեն նման հանցավոր խմբավորումներ, որովհետեւ սա կազմակերպված հանցագործություն է, ասացին՝ դա մեզնից վերեւ է, մենք էդտեղ չեն կարող»:
Արփինե ՍԻՄՈՆՅԱՆ
