«Այն, ինչ երեկ տեղի ունեցավ ՀՀԿ խորհրդի նիստում, ես՝ որպես ՀՀ քաղաքացի եւ պատգամավոր, գնահատում եմ աննախադեպ՝ նորանկախ ՀՀ ողջ պատմության ընթացքում, երբ երկրի առաջին դեմքն իրեն թույլ տվեց անձնական վիրավորանքների շքերթն անվանել ծրագրային ելույթ և, ըստ էության, քաղաքական գործընթացները ՀՀ-ում տեղափոխել բարոյական հարթությունից բացարձակապես դուրս,- «Առավոտի» հետո զրույցի ընթացքում ասաց ԲՀԿ խմբակցության քարտուղար Նաիրա Զոհրաբյանը:- Ես ուղղակի անհարմար էի զգում, երբ հետեւում էի, թե ինչպես էին կուսակցության գրասենյակից դուրս եկող տարբեր կալիբրի «զնաչոկով» հանրապետականները մեկ միասնական «ֆաս» հրահանգը ստացած՝ արտանետում մաղձ, կեղտ ու թույն: Ես անկեղծորեն խղճացի հանրապետականների այդ կույտին: Նրանք սարսափելի ողորմելի էին, որովհետեւ միայն սկզբունքներ, խիղճ, արժանապատվություն ու դավանանք չունեցող մարդիկ կարող են մեկ հրահանգով անցնել նման հարձակման»:
Նաիրա Զոհրաբյանը նաեւ անդրադարձավ հրապարակված այն լուրերին, թե «Բարգավաճ Հայաստանի» քաղխորհրդի նիստից անմիջապես հետո ԲՀԿ խմբակցության գործարար պատգամավոր Հարություն Ղարագյոզյանը խմբակցությունից դուրս գալու (հետևաբար՝ նաև կուսակցությունից) դիմում է գրել ու լքել ԲՀԿ կենտրոնական գրասենյակի շենքը: Ու նաեւ, որ արդեն իսկ ավելի քան 8 պատգամավոր պատրաստվում է լքել խմբակցությունը, այդ թվում՝ Արագած Ախոյանը, Կարո Կարապետյանը, Վահան Կարապետյանը, Աբրահամ Մանուկյանը, Արշակ Մխիթարյանը:
«Ինչ վերաբերում է կուսակցությանը լքելու մասին լուրերին, ապա կրկին խորհուրդ եմ տալիս ԲՀԿ-ն չշփոթել իրենց կուսակցության հետ, քանզի ակնհայտ է, երբ որ ՀՀԿ-ն այլեւս չլինի իշխանության՝ երեկ ԳՄ նիստից հետո հարձակման հրահանգավորվածների կույտը հերթ է կանգնելու հաջորդ իշխանության դռան առջեւ: Բնականաբար, նրանք բոլորը ստանալու են իրենց արժանի գնահատականը: Վստահեցնում եմ ձեզ՝ շատ քիչ է մնացել»,- ասաց ԲՀԿ խմբակցության քարտուղարը:
կնիկ ա է, կնիկ 😀