Լրահոս
Օրվա լրահոսը

ՀՀԿ անդամ իրակա՞ն , թե՞ կեղծ թեկնածուներ

Փետրվար 18,2015 23:10

Մարտի 15-ին համայնքի ղեկավարի ընտրություններ տեղի կունենան Տավուշի մարզի Իջեւանի տարածաշրջանի Ակնաղբյուր, Ներքին Ծաղկավան համայնքներում:

Տավուշի մարզի թիվ 40 ընտրատարածքային ընտրական հանձնաժողովից տեղեկացանք,որ Ակնաղբյուրում առաջադրվել են համայնքի ղեկավարի 2 թեկնածու՝ գործող համայնքապետ, ՀՀԿ անդամ, 1968թ. ծնված Կարեն Դոլմազյանը եւ ոչի մի տեղ չաշխատող, ՀՀԿ անդամ, 1975թ. ծնված Արազ Միրզոյանը: Կ. Դոլմազյանը Տավուշի մարզի թիվ 40 ԸԸՀ է ներկայացրել ոչ միայն իր, այլ նաեւ իր «մրցակցի» փաստաթղթերը:

Անակնկալ չի լինի, եթե Արամ Միրզոյանը հետագայում ինքնաբացարկ հայտնի: Համայնքի ղեկավարի թեկնածուների գրանցումը կավարտվի փետրվարի 18-ին: Հավելենք, որ Կ. Դոլմազյանը 445 բնակիչ ունեցող Ակնաղբյուր համայնքը ղեկավարում է 2004 թվականից:

Իջեւանի տարածաշրջանի Ներքին Ծաղկավան համայնքում առաջադրվել են գործող համայնքապետ, ՀՀԿ անդամ, 1963թ. ծնված Նաիրի Աթաբեկյանը եւ Ն. Ծաղկավանի միջնակարգ դպրոցի պատմության ուսուցիչ, անկուսակցական, 1979թ. ծնված Իսկանդար Մեհրաբյանը: Ն. Աթաբեկյանը 549 բնակիչ ունեցող այդ համայնքը ղեկավարում է 2001 թվականից:

Ոսկան ՍԱՐԳՍՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2015
Երկ Երե Չոր Հնգ Ուրբ Շաբ Կիր
« Հուն   Մար »
 1
2345678
9101112131415
16171819202122
232425262728