Լրահոս
Օրվա լրահոսը

ԱՊՀ մասնագետները քննարկել են քաղցկեղին հակազդելու գործողությունները

Փետրվար 20,2015 14:33

Փետրվարի 11-ին Մինսկում Անկախ պետությունների համագործակցության գործադիր հանձնաժողովում տեղի է ունեցել մասնագետների խմբի նիստ Համագործակցության հայեցակարգի նախագծի ներդաշնակեցման նպատակով, որպեսզի մշակեն քայլեր ԱՊՀ հանրապետություններում քաղցկեղի դեմ պայքարի համար:

Evrazesnews.ru-ի փոխանցմամբ՝ ԱՊՀ գործադիր հանձնաժողովից հայտնել են, որ նախագահող է ընտրվել «Ն.Ն. Ալեքսանդրովայի անվան ուռուցքաբանության եւ բժշկական ռադիոլոգիայի հանրապետական գիտա-գործնական կենտրոնի» տնօրենի տեղակալ Նատալյա Անտոնենկովան:

Փորձագետները քննարկել եւ համաձայնեցրել են Հայեցակարգի նախագիծը, հաշվի առնելով Հայաստանից, Բելառուսից եւ Ուկրաինայից ստացված առաջարկությունները եւ դիտողությունները:

Փորձագիտական խումբը որոշել է Հայեցակարգի նախագծի փորձագետների մակարդակով համաձայնեցման գործընթացը, ինչպես նաեւ ԱՊՀ երկրների կառավարությունների ղեկավարների եւ արտաքին գործերի նախարարների խորհրդի այս հարցով որոշումների նախագծերը համարել ավարտված: ԱՊՀ-ի գործադիր կոմիտեին առաջարկվել է սահմանված կարգով Հայեցակարգի նախագիծը ներկայացնել ԱՊՀ երկրների կառավարությունների ղեկավարների քննարկմանը:

Հավելենք, որ այս փաստաթուղթը սահմանում է քաղցկեղային հիվանդությունների վաղ ախտորոշման եւ բուժման, ինչպես նաեւ բժշկական, տնտեսական, իրավական եւ սոցիալական բնույթի միջոցառումների համաձայնեցված գործողությունների հիմնական սկզբունքները, որոնք ուղղված կլինեն պահպանելու, ամրապնդելու մարդու առողջությունը եւ ապահովելու նրա երկարատեւ եւ ակտիվ կյանքը:

Պատրաստեց Աշոտ ԻՍՐԱԵԼՅԱՆԸ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Փետրվար 2015
Երկ Երե Չոր Հնգ Ուրբ Շաբ Կիր
« Հուն   Մար »
 1
2345678
9101112131415
16171819202122
232425262728