Իջեւանում կրքերը թեժացել են:
Իջեւանի բժշկական կենտրոնի նախկին տնօրեն Վազգեն Մարգարյանը դիմել է ՀՀ քննչական կոմիտեի Տավուշի մարզային վարչություն, հայտնել, որ 2003-2013թթ. Իջեւանի նախկին հիվանդանոցի տարածքում գտնվող ավտոտնակների (այն սեփականության իրավունքով պատկանում է Իջեւանի ԲԿ-ի նախկին տնօրեն, Վազգեն Մարգարյանից առաջ բժշկական կենտրոնը ղեկավարած Հրաչյա Ներսիսյանի կնոջը) էլեկտրաէներգիայի ծախսի գումարները վճարվել են Իջեւանի ԲԿ-ի հաշվին: Այդ խախտումները բացահայտվել են Իջեւանի ԲԿ-ում 2014թ. կատարված աուդիտի արդյունքում: Վ. Մարգարյանը չցանկանալով իր վրա վերցնել այդ խախտման պատասխանատվությունը՝ դիմել է իրավապահներին: Հ. Ներսիսյանի նկատմամբ քրեական գործ է հարուցվել ՀՀ քրեական օրենսգրքի 179 հոդվածի 2-րդ մասով: Այդ քրեական գործի շրջանակներում կատարվել են գործողություններ, անշարժ գույքի կադաստրի Տավուշի մարզային ստորաբաժանումից(որի պետի պաշտոնակատարն է Իջեւանի նախկին քաղաքապետ, Հ. Ներսիսյանի եղբայր Վարուժան Ներսիսյանը ) ոստիկանները առգրավել են հիշյալ տարածքի սեփականության վկայականը:
Հրաչյա Ներսիսյանը դիմել է ոստիկանության Իջեւանի բաժին,հայտնելով, որ Իջեւանի քաղաքապետարանը քաղաքային զբոսայգու տարածքում երկարաժամկետ վարձակալության տարածք է տրամադրել Իջեւանի բնակիչներից մեկին, այդ տարածքը համընկել է 2006թ.-ին իրեն սեփականության իրավունքով տրամադրված տարածքի հետ: Ոստիկանության Իջեւանի բաժինը այդ հայտարարության հիման վրա քրեական գործ է հարուցել ՀՀ քրեական օրենսգրքի 308 հոդվածի 1-ին մասով: Իջեւանի քաղաքապետ Վարդան Ղալումյանի վկայությամբ՝ ինքը տեղյակ չի եղել, որ ոստիկանության Իջեւանի բաժինը իր նկատմամբ քրեական գործ է հարուցել: Քաղաքապետն այդ մասին իմացել է այն ժամանակ, երբ քրեական գործն ուղարկվել է Տավուշի քննչական վարչություն: Քաղաքապետն ասաց, որ ոստիկանության Իջեւանի բաժնի պետ Կարեն Հակոբյանը իր հանդեպ քրեական գործ է հարուցել, քանի որ ինքը բողոքում է Իջեւանում ծառերի, գիշերային լուսավորության լամպերի գողությ ան եւ քաղաքին վնաս պատճառած այլ չբացահայտված հանցագործությունների կապակցությամբ: Վ. Ղալումյանը որպես վկա հարցաքննվել է Տավուշի քննչական վարչությունում: Քաղաքապետը հայտնեց, որ 2006թ. Իջեւանի նախկին քաղաքապետ Վարուժան Ներսիսյանը զբոսայգու տարածքում հողատարածքներ է հատկացրել Իջեւանի մի շարք բնակիչների, այդ թվում՝ իր եղբայր Հրաչյա Ներսիսյանին: Վ. Ղալումյանի խոսքերով՝ Վ. Ներսիսյանը իր եղբորը հատկացրած հողամասը չի նշել որպես զբաղեցրած տարածք: Վ. Ղալումյանի խոսքերով՝ այդ պատճառով ինքը տեղյակ չի եղել, որ քաղաքապետարանի կողմից բնակիչներից մեկին երկարաժամկետ վարձակալության տրված հողամասի 100 քառակուսի մետրը համընկնում է Հ. Ներսիսյանին տրված հողի հետ: Վ. Ղալումյանը հայտնեց, որ իր նկատմամբ հարուցված քրեական գործն անհիմն է, ինքը ոստիկանության Իջեւանի բաժնի պետից պահանջելու է հրապարակային կերպով ներողություն խնդրել՝ իր հեղինակության հետ խաղալու համար:
Կարդացեք նաև
Ոսկան ՍԱՐԳՍՅԱՆ
Այս ամեն գալիս է նրանից,որ այս երկրում բոլորն էլ մնում են անպատիժ: Եթե ոստիկանապետը իմանա անօրինական գործողությունների համար կպատժվի,երբեք անօրինական բան իրեն թույլ չի տա,նույնը վերաբերվում է Ներսիսյաններին, որ դատվելու փոխարեն ստացավ Տավուշի մարզի կադաստրի ստորաբաժանման ղեկավար, իսկ ինչ վերաբերվում է գործող քաղաքապետին վերջապես Իջևան քաղաքը ունեցավ սրտացավ, կամեցող, աշխատասեր,ազնիվ քաղաքապետ: հետևությունը թողնում եմ ընթերցողին:
Եթե Դուք ի նկատի ունեք այն Սվետլանա Բեգլարյանին,որը շատ մոտ է Ներսիսյաններին, ապա ասեմ, որ Դուք սխալ անվան տակ եք հանդես եկել:
դատեք այս քաղաքաետին, որ փոխարենը մի թալանչի բերեք լափի ու Ձեզ էլ բաժին հասցնի: Հազիվ ունենք մտացող քաղաքապետ քաղաքի մասին, ինչ եք ուզում:
Վիճակը այսօր խառն է իհարկե , բայց սա հիմքեր ունի թերևս … Իջևանի նախկին տխրահռչակ քաղաքապետը այնպիսի մի վիճակ է առաջացրել իր «կառավարման» տարիների ընթացքում ` կապված հողատարածքների անօրինական որոշումներ տալու , մի տարածքը միաժամանակ մի քանի հոգու տրամադրելու և ընդհանրապես , որ սա շտկելու և օրինական տեսք տալու համար բավականին երկար ժամանակ է պետք : Այնպես որ իրավապահ մարմինների համար բավականին լայնածավալ աշխատանք է սպասվում այս ասպարեզում : Մի խոսքով` այս « ԽՄՈՐԸ ԴԵՌ ՇԱՏ Է ՋՈՒՐ Է ՔԱՇԵԼՈՒ » , այսօր Իջևանում միմյանց նկատմանբ շատ մարդկանց մեջ այնքան թույն ու թշնամանք է ստեղծվել այս ֆոնի վրա , որ մարդիք ակամայից դարձել են միմյանց թշնամի , շատերը այսօր դրա զոհն են , այդպիսի ՏԻՄ կառավարման … և էլ չեմ ասում , որ դրա արդյունքում Իջևանում կարող են նույնիսկ կրակոցներ հնչել … իմ կարծիքով …………..