«Այսօր, երբ Արևմուտքի և, մասնավորապես, ԱՄՆ-ի հարաբերությունները սրվել են Ռուսաստանի հետ, միակ օղակը, որտեղ մնում է համագործակցությունը տիեզերքն է և Արցախը,- այսօր «Փաստարկ» ակումբում ասաց ՀՀ առաջին օմբուդսմեն Լարիսա Ալավերդյանը` անդրադառնալով «ադրբեջանցի գերիներին» Ադրբեջանի կառավարությանը վերադարձնելու վերաբերյալ ԱՄՆ պետքարտուղարության` հայկական կողմին ուղղված կոչին:
ԱՄՆ-ի այդ կոչը, Լարիսա Ալավերդյանը համարեց պարիտետային մոտեցում, ըստ նրա ԱՄՆ-ն իրեն պահում է Մադրիդյան սկզբունքների ձեւաչափում. «Անկախ քննադատությունից, Մինսկի խումբը, միևնույնն է, մնում է հստակ գործոն եւ մեծածավալ պատերազմ թույլ չի տալիս: Ադրբեջանական դիվերսիաները հենց ի պատասխան Մինսկի խմբի գործունեության են իրականացվում»:
Լարիսա Ալավերդյանի խոսքով ԱՄՆ պետդեպի կոչին հայկական կողմը պետք է պաշտոնապես պատասխանի. «Հանրությունը սպասում է պաշտոնական պատասխանի: Ի վերջո, Ամերիկան առաջարկով է հանդես եկել, որին պետք է պատասխանել:
Որքան էլ ներսից թույլ լինենք, մեկ է՝ մենք հայտնվել ենք քաղաքակրթական հերթական բախման առաջին գծում: Ես գտնում եմ, որ մենք պետք է հստակեցնենք` ինչ կարգավիճակում են գտնվում դիվերսանտները և միջազգային կոնվենցիայի որ կետով պետք է հանձնենք նրանց»:
Կարդացեք նաև
Արփինե ՍԻՄՈՆՅԱՆ
