«Ժառանգություն» կուսակցության առաջնորդ Րաֆֆի Հովհաննիսյանը փետրվարի 27-ին Ազատության հրապարակում ասուլիս-հավաքի ընթացքում ներկայացրեց իր եւ ԵՄ դեսպանների հանդիպման մանրամասները:
«Մենք ներկայացրել ենք մեր մոտեցումները ներքին, ժողովրդական, սահմանադրական, ապա եւ արտաքին հարաբերությունների եւ պահանջների վերաբերյալ: Եղել է բաց, անկեղծ, առանց որեւէ մի պատնեշի զրույց: Մենք ներկայացրել ենք հայ ժողովրդի պահանջն ինչպես որ կա՝ ունենալ ժողովրդին պատկանող իշխանություն, որը չկա այսօր, ունենալ Եվրոպա, որը հարգում է մեր ժողովրդին եւ իր շահը, եւ առաջին հերթին ունենալ Հայաստան, որը հարգում է իր շարքային քաղաքացուն»,- ասաց նա:
Րաֆֆի Հովհաննիսյանը նշեց, որ դեսպանները ավելի շատ հանդես եկան հարցերով, քան ելույթներով: Նրա կարծիքով՝ դեսպանների հարցերից ակնհայտ էր, որ նրանք մտահոգված են Հայաստանի կացությամբ եւ կարող են հասկանալ, թե ինչու է այս արտակարգ իրավիճակում շարքային քաղաքացին պահանջում արտահերթ լուծում:
Ամի ՉԻՉԱԿՅԱՆ
Հայաստանում ԵՄ դեսպաններից ամենամեծը ինք է, Րաֆֆի Հովհաննիսյան