«Մարտի 1-ը՝ իր հիմնական դրվագներով, հասարակության համար բացահայտված է: Բայց առայժմ իշխանությունները չունեն այն քաղաքական կամքը, որպեսզի այդ բացահայտմանը տան պաշտոնական բնույթ»,- այսօր Մարտի 1-ի զոհերի հիշատակին հարգանքի տուրք մատուցելուց հետո Aravot.am-ի հետ զրույցում այսպիսի կարծիք հայտնեց «Համաձայնություն» կենտրոնի ղեկավար, ՀՀ ազգային անվտանգության ծառայության նախկին ղեկավար Դավիթ Շահնազարյանը:
Նրա խոսքերով՝ «Մարտի 1-ի թիվ մեկ մեղավորը եւ գլխավոր ճարտարապետը Ռոբերտ Քոչարյանն է, որը բանակն օգտագործեց՝ ներքին հարցերը լուծելու համար: Սա է Մարտի 1-ի ոճրագործության մեխը եւ թիվ մեկ պատասխանատուն նա է: Հասարակության համար գրեթե հիմնական բոլոր դրվագները ավելի քան պարզ են: Աղվան Հովսեփյանը համարում է, որ բացահայտումը տեղի է ունեցել, բայց բավարարվում է ընդամենը այնքանով, ինչքանով որ պաշտոնապես հայտարարվել է: Մարտի 1-ը այսօր կանգնած է մեր հասարակության եւ ապագայի միջեւ, եւ մենք, մեր հասարակությունը պետք է կարողանա հասնել նրան, որ այն բացահայտումները, ինչ մենք բոլորս գիտենք, ստանան պաշտոնական ընթացք, եւ թիվ մեկ մեղավորն ու ճարտարապետը կանգնի դատարանի առաջ»:
Կարդացեք նաև
Հռիփսիմե ՋԵԲԵՋՅԱՆ
Լուսանկարները՝ Աշոտ Հակոբյանի:
