Բուլղարիայի մայրաքաղաքում ավարտվել է բռնցքամարտի «Ստրանջա» 66-րդ միջազգային մրցաշարը:
Հայաստանի ներկայացուցիչներից միայն 60 կգ քաշային Սամվել Բարսեղյանն էր հասել եզրափակիչ, որտեղ հաղթողի կոչումը վիճարկելու էր ադրբեջանցի Էլվին Իսաեւի հետ: Մրցաշարի պաշտոնական կայքէջը տեղեկացնում է, որ այդ մենամարտում մրցավարները 2:1 հաշվով նախապատվությունը տվել են հարեւան երկրի ներկայացուցչին:
Սոֆիայում եզրափակիչ մտել էին եւս երկու հայ բռնցքամարտիկներ, որոնք Հայաստանը չէին ներկայացնում. Դավիթ Ալավերդյանը (Իսրայել)` 49 կգ քաշային կարգ, եւ Գեւորգ Մանուկյանը (Ուկրաինա)` 91 կգ, որոնք նույնպես չեն կարողացել հաղթահարել վերջին արգելքը:
Աշոտ ՀԱԿՈԲՅԱՆ
Կարդացեք նաև
Լուսանկարը` euroboxing.org-ի
