Ոչ մեկի համար գաղտնիք չէ որ Վանաձորի ներքաղաքային տրանսպորտում այսօր առկա են մի շարք խնդիրներ, որոնց մեջ է մտնում նաև ներքոհիշյալ տեսակի վարորդների ծխելը, խմելը, անհարգալից վերաբերմունքը ուղևորների նկատմամբ, բայց այս դեպքում շեշտը ուզում ենք դնել բնակիչ համայնքապետարան համագործակցության վրա, որը բերել է խնդիրների ուղղությամբ քայլեր ձեռնարկելուն ու լուծմանը:
ՈՒզում ենք հիշեցնել, որ համայնքային խնդիրների լուծումը, իհարկե, պատկան մարմինների լիազորությունն է, բայց մեզանից յուրաքանչյուրի պարտքն է դրսևորել քաղաքացիական գիտակցություն և վերաբերվել այդ խնդիրներին ոչ որպես մեզ հետ կապ չունեցող հարցերի:
Օրերս Վանաձորի ներքաղաքային տրանսպորտի 5 համարի վարորդներից մեկը խմած, ծխելով, հայհոյանքներ օգտագործելով խոսելիս է եղել իր ընկերոջ հետ: Ուղևորներից մեկը դիմել է նրան, խնդրելով որ հաշվի առնի երթուղայինում գտնվող կանանց ներկայությունը և հետևի իր բառապաշարին, որին ի պատասխան կինը ոչ հարգալից պատասխան է ստացել վարորդի կողմից: Ճանապարհի կեսին մոտակա գազալցակայան գնալով վարորդը գազելից իջեցրել է ուղևորներին ու ասել, որ այլևս չի վարում մեքենան, ինչին ի պատասխան ճանապարհի մնացած ուղևորները ասել են` «Դէ, գոնե ուրիշ մարշրուտկի ասա մեզ տանի», իսկ վարորդն էլ ի պատասխան` լկտի ձևերով և անպարկեշտ բառերով հակադարձել է:
Խնդրի մասին բնակիչները տեղեկացրել են Վանաձորի տրանսպորտի և առևտրի բաժնի պետին, որից հետո իրականացվել են գործողություններ, որի արդյունքում այդ վարորդն այլևս չի աշխատում երթուղում:
Հենրիկ ՄԽԻԹԱՐՅԱՆ
Վարորդն ինչ, պետք է նրա կազմակերպությունը, կամ գծի տերը տուգանվի, իսկ թե հետո նա վարորդի հետ ոնց կվարվի- իր խնդիրն է: Ավելի ուշադիր կլինեն- իրենք կհետևեն: