Լրահոս
Օրվա լրահոսը

Աբրահամ Մանուկյանը փորձում է հրաժարվել ասած խոսքերից

Մարտ 03,2015 16:27

«Աբրահամ Մանուկյանը չի արել նման արտահայտություն, նա ունի հարգալից վերաբերմունք Նաիրա Զոհրաբյանի նկատմամբ, գործակցային ու գործընկերական հարաբերությունների մեջ է նրա հետ, իսկ համապատասխան լրատվամիջոցը, հավանաբար խեղաթյուրել է նրա խոսքերը»,- քիչ առաջ Aravot.am-ի հետ զրույցում ասաց ԲՀԿ դեռևս խոսնակ Տիգրան Ուրիխանյանը:

Տիգրան Ուրիխանյանն ասաց, որ Աբրահամ Մանուկյանն այդ ամենն իրեն հայտնել է հեռախոսազրույցում:

Հիշեցնենք, News.am-ին տված հարցազրույցում ԲՀԿ-ական պատգամավոր Աբրահամ Մանուկյանն, ըստ էության, չէր թաքցրել, որ խնդիր ունի Նաիրա Զոհրաբյանի`ԲՀԿ նախագահ դառնալու հնարավոր հեռանկարի հետ: Ավելին, թույլ էր տվել ոչ կոռեկտ ձեւակերպում`ասելով. «Նաիրա Զոհրաբյանը կնիկ է, ես ի՞նչ հակասություն պիտի ունենամ»:

Մինչդեռ News.am-ի թղթակիցը «Առավոտին» հայտնեց, որ ունի ձայնագրությունը, որտեղ Աբրահամ Մանուկյանը հստակ ասում է այն, ինչ հրապարակվել է հարցազրույցում:

Նելլի ԳՐԻԳՈՐՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2015
Երկ Երե Չոր Հնգ Ուրբ Շաբ Կիր
« Փետ   Ապր »
 1
2345678
9101112131415
16171819202122
23242526272829
3031