Մարտի 15-ին Տավուշի մարզկենտրոնում կկայանան համայնքի ավագանու ընտրություններ: Տավուշի մարզի թիվ 41 ընտրատարածքային ընտրական հանձնաժողովից տեղեկացանք, որ ավագանու 15 տեղի համար գրանցվել է 21 թեկնածու:
Թեկնածուների մեծ մասը` 14 հոգի, անկուսակցական է, ավագանու թեկնածուներից ՀՀԿ անդամ է 4 , ՀՅԴ անդամ՝ 2, ՕԵԿ անդամ՝ 1 հոգի:
Ավագանու թեկնածուների ցանկում ԲՀԿ անդամ չկա: Դա չի նշանակում, որ Իջեւանի քաղաքապետ, ԲՀԿ անդամ Վարդան Ղալումյանը ավագանու ընտրություններից հետո խնդիրներ է ունենալու, որովհետեւ ավագանու թեկնածուներ են առաջադրվել ավագանու գործող կազմից, ընտրվելու իրական հնարավորություն ունեցող, 8 հոգի, որոնք քաղաքապետի գործունեության հանդեպ լոյալ են տրամադրված:
Ոսկան ՍԱՐԳՍՅԱՆ