Լրահոս
Օրվա լրահոսը

Տիգրան Ուրիխանյանը հրաժարվեց նաեւ ԲՀԿ քարտուղարի պաշտոնից

Մարտ 09,2015 15:46

«Տվյալ պարագայում, իմ անձնական որոշումն է, չստանձնել խմբակցության քարտուղարի պարտականությունները: Ես նպատակահարմար չեմ գտնում այս պահին զբաղեցնել այդ պաշտոնը»,-Aravot.am-ի հետ զրույցում ասաց ԲՀԿ խմբակցության պատգամավոր Տիգրան Ուրիխանյանը:

Հիշեցնենք, նա հրաժարվեց նաեւ ԲՀԿ խոսնակի պաշտոնից:

Խոսակցություններ են շրջանառվում, որ Տիգրան Ուրիխանյանը պատրաստվում է վայր դնել նաեւ մանդատը: Ինքը՝ Տիգրան Ուրիխանյանն առայժմ չի մեկնաբանում այդ լուրերը:

Օրերս ԲՀԿ նորընտիր նախագահ Նաիրա Զոհրաբյանը հայտարարել էր, որ խմբակցությունում նոր ղեկավար մարմինների նախնական քննարկում է տեղի ունեցել եւ նախնական արդյունքներով, ԲՀԿ խմբակցության նոր քարտուղարի ամենահավանական թեկնածուն Տիգրան Ուրիխանյանն է: Նրան պաշտոնական առաջարկ, սակայն, չի արվել: ԲՀԿ նոր քարտուղարի հավանական թեկնածուների շարքում Միքայել Մելքումյանն է:

Այսօր ԲՀԿ-ն լքելու մասին դիմում է գրել նաեւ Եղեգնաձորի ԲՀԿ-ական քաղաքապետ Դավիթ Հարությունյանը: Aravot.am-ի հետ զրույցում պարոն Հարությունյանն ասաց, որ ինքը դեռ կուսակցության համագումարի օրն է գրել իր դիմումը: Այլ մեկնաբանություններից նա հրաժարվեց:

 

Նելլի ԳՐԻԳՈՐՅԱՆ

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2015
Երկ Երե Չոր Հնգ Ուրբ Շաբ Կիր
« Փետ   Ապր »
 1
2345678
9101112131415
16171819202122
23242526272829
3031