Լրահոս
Օրվա լրահոսը

Արթուր Սաքուց. Այս պահին Ավետիսյանների իրավահաջորդների եւ Կոստանյանի հանդիպման մեջ իմաստ չեմ տեսնում

Մարտ 09,2015 20:45

Գլխավոր դատախազ Գեւորգ Կոստանյանը պատրաստակամություն էր հայտնել ուրբաթ օրը՝ մարտի 13-ին ընդունել Գյումրիում սպանված Ավետիսյանների ընտանիքի իրավահաջորդներին:

Հելսինկյան քաղաքացիական ասամբլեայի Վանաձորի գրասենյակի նախագահ Արթուր Սաքունցը, ով նաեւ Ավետիսյանների ընտանիքի գործով տուժողի իրավահաջորդի ներկայացուցիչներից մեկն է, Aravot.am-ի հետ զրույցում նշեց, որ այս պահին Կոստանյանի հետ հանդիպման իմաստ չի տեսնում. «Կոստանյանը՝ որպես դատախազ, պետք է գործողություններ կատարեր, իսկ այն գործողությունները, որոնք պարտավոր էր կատարել, չի կատարել»:

Արթուր Սաքունցն ասաց, որ Ավետիսյանների իրավահաջորդներն ունեն բազմաթիվ հարցեր, որոնց պատասխանը չունեն. «Իրենց հիմնական հարցը Պերմյակովին Ռուսաստանի Դաշնությունից Հայաստանի Հանրապետությանը փոխանցելն էր, եթե հիմա Կոստանյանը այդ ուղղությամբ գործողություն չի կատարել, ապա այս հանդիպման իմաստը գուցե ինչ-որ բացատրություններ, մեկնաբանություններ տալն է: Իրապես, մենք կարիք ունեինք ոչ թե գլխավոր դատախազի կողմից մեկնաբանությունների կամ բացատրությունների, այլ՝ գործողությունների: Հիմա մարդիկ ուզում են անմիջապես լսել, դա իրենց գործն է: Եթե ամեն քրեական գործով այդ ձեւով հանդիպումներ լինեն, բա քրեական դատավարության օրենսգրքով սահմանված պարտավորությունները ո՞վ է կատարելու»:

Ամի ՉԻՉԱԿՅԱՆ

 

Համաձայն «Հեղինակային իրավունքի եւ հարակից իրավունքների մասին» օրենքի՝ լրատվական նյութերից քաղվածքների վերարտադրումը չպետք է բացահայտի լրատվական նյութի էական մասը: Կայքում լրատվական նյութերից քաղվածքներ վերարտադրելիս քաղվածքի վերնագրում լրատվական միջոցի անվանման նշումը պարտադիր է, նաեւ պարտադիր է կայքի ակտիվ հղումի տեղադրումը:

Մեկնաբանություններ (0)

Պատասխանել

Օրացույց
Մարտ 2015
Երկ Երե Չոր Հնգ Ուրբ Շաբ Կիր
« Փետ   Ապր »
 1
2345678
9101112131415
16171819202122
23242526272829
3031