Արեւմտյան Հայաստանում եւ Օսմանյան Թուրքիայի այլ վայրերում մինչեւ 1915 թվականը ծնված եւ Հայոց ցեղասպանությունը վերապրած հայերին ամեն ամիս տրվող 25 հազար դրամը կքառապատկվի: Ապրիլի 1-ից Ցեղասպանությունից մազապուրծ եղած հայերը կստանան 100 հազարական դրամ: Այսպիսի որոշում է կայացրել կառավարությունը, որը կառավարության` հինգշաբթի օրվա նիստում կներկայացնի աշխատանքի եւ սոցիալական հարցերի նախարար Արտեմ Ասատրյանը:
Դրամական այդ օգնությունը նրանց կվճարվի յուրաքանչյուր ամսվա կենսաթոշակի հետ՝ ընդհանուր գումարով: Նշենք, որ այդ գումարները տալու համար պետական բյուջեից անհրաժեշտ կլինի լրացուցիչ հատկացնել ամսական շուրջ 2.5 միլիոն դրամ կամ տարեկան մոտ 30 մլն դրամ:
Բացի այդ, 2011թ. մայիս 5-ի թիվ 665-Ն որոշմամբ, Հայոց ցեղասպանությունը վերապրած հայերին վճարվում է նշանակված (վերահաշվարկված) կենսաթոշակի 150 տոկոսը:
Մինչ այժմ դրամական օգնությունը տրվում էր Ցեղասպանությունը վերապրած 33 անձի:
Կարդացեք նաև
Լուսինե ԲՈՒԴԱՂՅԱՆ
