Թուրքիայի նախագահ Ռեջեփ Թայիփ Էրդողանը հայտարարել էր, թե եթե 1990-ականներին Թուրքիան այնքան ուժեղ լիներ, որքան այսօր, ապա Լեռնային Ղարաբաղի հակամարտությունը չէր լինի:
Արեւելագիտության ինստիտուտի տնօրեն Ռուբեն Սաֆրաստյանը Aravot.am-ի հետ զրույցում ասաց, որ հայտարարությունը պետք է դիտարկել Թուրքիայի եւ անձամբ Ռեջեփ Թայիփ Էրդողանի կողմից սադրիչ հայտարարությունների շրջանակում. «Այն ինչ որ ասում է Էրդողանը, որ եթե Թուրքիան ավելի ուժեղ լիներ, Ղարաբաղի հակամարտությունը չէր լինի, չի համապատասխանում իրականությանը: Թուրքիան այն ժամանակ օգնություն էր ցույց տալիս Ադրբեջանին, այստեղ ինչքան էլ օգնեց պետք չէ մոռանալ, որ պատերազմն ավարտվեց հայ ժողովրդի հաղթանակով»:
Պարոն Սաֆրաստյանը հավելեց, որ նույնիսկ Թուրքիայի օգնությամբ Ադրբեջանը չկարողացավ պատերազմում հաղթել: Նա համոզմունք հայտնեց, որ բոլոր դեպքերում էլ այդ պատերազմը Հայաստանը կհաղթեր:
Ամի ՉԻՉԱԿՅԱՆ
